Latest News :
Home » , » പട്ടാമ്പിയില്‍ ജെ എന്‍ യു വിദ്യാര്‍ഥിക്ക് അട്ടിമറി ജയം

പട്ടാമ്പിയില്‍ ജെ എന്‍ യു വിദ്യാര്‍ഥിക്ക് അട്ടിമറി ജയം

Written By Muhimmath News on Thursday, 19 May 2016 | 12:21

പാലക്കാട്പാലക്കാട് ജില്ലയിലെ പട്ടാമ്പി മണ്ഡലത്തില്‍ ജെഎന്‍യു വില വിപ്ലവ വീര്യം ചെങ്കൊടി പാറിച്ചു. സിറ്റിംഗ് എംഎല്‍ എ സി പി മുഹമ്മദിനെ 7,215 വോട്ടുകള്‍ക്ക് അട്ടിമറിച്ചാണ് കന്നിക്കാരനായ മുഹമ്മദ് മുഹ്‌സിന്‍ പട്ടാമ്പി ഇടതുകോട്ടകളോട് ചേര്‍ത്ത്‌വെച്ചിരിക്കുന്നത്. അതേസമയം തൃത്താലയും പാലക്കാടും കോണ്‍ഗ്രസിന്റെ യുവത്വം തന്നെ വിജയിച്ചു.

ജില്ലയിലെ വിഐപി മണ്ഡലമായിരുന്ന മലമ്പുഴയില്‍ പ്രതിപക്ഷ നേതാവ് വി എസ് അച്യുതാനന്ദന്‍ അനായാസ വിജയം കരസ്ഥമാക്കി. എന്‍ഡിഎയിലെ സി കൃഷ്ണകുമാറിനെ 24, 696 വോട്ടുകള്‍ക്കാണ് വിഎസ് പരാജയപ്പെടുത്തിയത്. ഇവിടെ കോണ്‍ഗ്രസ് സ്ഥാനാര്‍ത്ഥിയായിരുന്ന കെഎസ് യു സംസ്ഥാന പ്രസിഡന്റ് വി എസ് ജോയ് മൂന്നാം സ്ഥാനത്തേക്ക് പിന്തള്ളപ്പെട്ടു.

തൃത്താലയില്‍ വി ടി ബല്‍റാം തുടര്‍ച്ചയായ രണ്ടാം തവണയും വിജയം കരസ്ഥമാക്കി. സിപിഎമ്മിലെ സുബൈദാ ഇസഹാഖിനെ 9,757 വോട്ടുകള്‍ക്കാണ് ബല്‍റാം പരാജയപ്പെടുത്തിയിരിക്കുന്നത്. പാലക്കാട്ട് ഷാഫി പറമ്പില്‍ ബിജെപിയിലെ ശോഭാ സുരേന്ദ്രനെയാണ് പരാജയപ്പെടുത്തിയത്. ഇവിടെ സിപിഎമ്മിലെ അതിശക്തനായ മുന്‍ എംപി എന്‍ എന്‍ കൃഷ്ണദാസ് മൂന്നാം സ്ഥാനത്തേക്ക് പിന്തള്ളപ്പെട്ടു. കഴിഞ്ഞ തവണ സിറ്റിംഗ് എംഎല്‍എ ആയിരുന്ന കെ കെ ദിവാകരനെ അട്ടിമറിച്ചാണ് ഷാഫി കന്നി വിജയം കരസ്ഥമാക്കിയത്.

മണ്ണാര്‍ക്കാട് എന്‍ ഷംസുദീന്‍ വിജയം ആവര്‍ത്തിച്ചു. 14,414 വോട്ടുകള്‍ക്ക് കെ പി സുരേഷ് രാജിനെയാണ് ഷംസുദീന്‍ പരാജയപ്പെടുത്തിയത്. തരൂരില്‍ എ കെ ബാലന്‍, ചിറ്റൂരില്‍ കെ കൃഷ്ണന്‍കുട്ടി, ഒറ്റപ്പാലത്ത് പി ഉണ്ണി, ഷൊര്‍ണൂരില്‍ പി കെ ശശി എന്നിവര്‍ വിജയം കണ്ടു.

Share this article :

Post a Comment

 
Copyright © 2016. Muhimmath - All Rights Reserved