Latest News :
Home » , » 13ാം നമ്പര്‍ ഇടതുമുന്നണിക്കും പേടിയോ; മന്ത്രിമാരില്‍ ആര്‍ക്കും 13 ാം നമ്പര്‍ കാര്‍ നല്‍കിയില്ല

13ാം നമ്പര്‍ ഇടതുമുന്നണിക്കും പേടിയോ; മന്ത്രിമാരില്‍ ആര്‍ക്കും 13 ാം നമ്പര്‍ കാര്‍ നല്‍കിയില്ല

Written By Muhimmath News on Thursday, 26 May 2016 | 12:50

തിരുവനന്തപുരം: 13 എന്ന നമ്പര്‍ പൊതുവെ ഭാഗ്യമില്ലാത്ത നമ്പറാണെന്ന് പലരും പറയുന്നത്. ചിലരെങ്കിലും ഇത് വിശ്വസിക്കുന്നുമുണ്ട്. എന്നാല്‍ എല്‍.ഡി.എഫിലെ മന്ത്രിമാര്‍ക്കും അത്തരമൊരു വിശ്വാസമുണ്ടോ എന്നാണ് ഇപ്പോള്‍ സംശയം.
കാരണം ഇടതുമുന്നണിയിലെ ഘടകകക്ഷികളുടെ പ്രാധാന്യമനുസരിച്ച് ഇന്നലെ കാറുകള്‍ നല്‍കിയപ്പോള്‍  പതിമൂന്നാം നമ്പറില്‍ ആര്‍ക്കും കാറ് നല്‍കിയിട്ടില്ല. 12 ാം നമ്പര്‍ കാര്‍ കഴിഞ്ഞാല്‍ പിന്നെയുള്ള നമ്പര്‍ 14 ആണ്.
മുഖ്യമന്ത്രി പിണറായി വിജയന് തന്നെയാണ് ഒന്നാം നമ്പര്‍ സ്‌റ്റേറ്റ് കാര്‍ നല്‍കിയത്. രണ്ടാം നമ്പര്‍ സി.പി.ഐയുടെ ഇ.ചന്ദ്രശേഖരനാണ് നല്‍കിയത്.

ജനതാദള്‍ എസിന്റെ മാത്യു ടി.തോമസിനാണ് മൂന്നാം നമ്പര്‍ കാര്‍. എന്‍.സി.പിയുടെ എ.കെ.ശശീന്ദന് നാലാം നമ്പര്‍ കാറും കോണ്‍ഗ്രസ് എസിന്റെ രാമചന്ദ്രന്‍ കടന്നപ്പള്ളിക്ക് അഞ്ചാം നമ്പര്‍ കാറുമാണ് നല്‍കിയത്.

മറ്റു മന്ത്രിമാരും കാര്‍ നമ്പരും ഇപ്രകാരമണ് , 6 എ.കെ.ബാലന്‍, 7 ഇ.പി.ജയരാജന്‍, 8 ജി.സുധാകരന്‍, 9 കെ.കെ.ശൈലജ, 10 ടി.എം.തോമസ് ഐസക്ക്, 11 ടി.പി.രാമകൃഷ്ണന്‍, 12 വി.എസ്.സുനില്‍കുമാര്‍, 14 പി.തിലോത്തമന്‍,15 കടകംപള്ളി സുരേന്ദ്രന്‍, 16 എ.സി.മൊയ്തീന്‍, 17  ജെ.മേഴ്‌സിക്കുട്ടിയമ്മ, 18 പ്രഫ. സി.രവീന്ദ്രനാഥ്, 19 കെ.രാജു, 20 കെ.ടി.ജലീല്‍
Share this article :

Post a Comment

 
Copyright © 2016. Muhimmath - All Rights Reserved