Latest News :
Home » » പോലീസ് സ്‌റ്റേഷനില്‍ നിന്ന് ചാടിയ വാറന്റ് പ്രതിയെ പിന്തുടര്‍ന്ന് പിടികൂടി

പോലീസ് സ്‌റ്റേഷനില്‍ നിന്ന് ചാടിയ വാറന്റ് പ്രതിയെ പിന്തുടര്‍ന്ന് പിടികൂടി

Written By Muhimmath News on Thursday, 26 May 2016 | 17:25





കാസര്‍കോട്: പൊലീസ് സ്‌റ്റേഷനില്‍ നിന്നു ഓടി രക്ഷപ്പെട്ട വാറന്റ് പ്രതിയെ എസ് ഐ പിന്തുടര്‍ന്നു പിടികൂടി. ഇന്നു രാവിലെ വിദ്യാനഗര്‍ പൊലീസ് സ്‌റ്റേഷനിലാണ് സംഭവം. ഉളിയത്തടുക്ക, നാഷണല്‍ നഗറിലെ ഹനീഫയുടെ മകന്‍ ഫൈസല്‍(19) ആണ് രക്ഷപ്പെടാന്‍ ശ്രമിച്ചത്. വിദ്യാനഗര്‍ പൊലീസ് സ്‌റ്റേഷനിലെ ക്രൈം നമ്പര്‍179/2015 കേസില്‍ പ്രതിയാണു ഫൈസലെന്നു പൊലീസ് പറഞ്ഞു. ഉളിയത്തടുക്ക നാഷണല്‍ നഗറിലെ ക്വാര്‍ട്ടേഴ്‌സിനടുത്തുവച്ച് സിദ്ദീഖിനെ അക്രമിച്ചതാണ് കേസ്.

ഈ കേസില്‍ വാറന്റ് പ്രതിയായ ഇയാള്‍ ഇന്നു രാവിലെയാണ് പിടിയിലായതെന്നു പൊലീസ് പറഞ്ഞു. ഇന്നു കോടതിയില്‍ ഹാജരാക്കാനിരിക്കെ സ്‌റ്റേഷനില്‍ നിന്നു ഓടി രക്ഷപ്പെടുകയായിരുന്നുവെന്നും എസ് ഐ അജിത്ത് കുമാറും സംഘവും പിന്തുടര്‍ന്ന് പിടികൂടുകയായിരുന്നുവെന്നും പൊലീസ് പറഞ്ഞു. പ്രതിയെ ജനറല്‍ ആശുപത്രിയില്‍ വൈദ്യ പരിശോധനയ്ക്കു വിധേയനാക്കി.
Share this article :

Post a Comment

 
Copyright © 2016. Muhimmath - All Rights Reserved