Latest News :
Home » , » മാധ്യമ പ്രവര്‍ത്തക അനുശ്രീപിള്ള കുഴഞ്ഞു വീണു മരിച്ചു

മാധ്യമ പ്രവര്‍ത്തക അനുശ്രീപിള്ള കുഴഞ്ഞു വീണു മരിച്ചു

Written By Muhimmath News on Tuesday, 14 June 2016 | 11:59

പത്തനംതിട്ട: മാധ്യമ പ്രവര്‍ത്തക അനുശ്രീ പിള്ള (28) അന്തരിച്ചു. പത്തനംതിട്ട ചുങ്കപ്പാറ ചാലാപ്പള്ളി സ്വദേശിയാണ്. ടൈംസ് ഓഫ് ഇന്ത്യ ഗ്രൂപ്പിന്റെ മലയാളം വാര്‍ത്താ പോര്‍ട്ടലായ സമയം ഡോട്ട് കോമില്‍ സീനിയര്‍ കോപ്പി എഡിറ്ററായിരുന്നു.

തിങ്കളാഴ്ച രാത്രി ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ചുങ്കപ്പാറയിലെ സ്വകാര്യ ആശുപത്രിയില്‍ പ്രവേശിപ്പിച്ചു. കുത്തിവയ്പിനെത്തുടര്‍ന്ന് കുഴഞ്ഞു വീണ അനുശ്രീയെ കോഴഞ്ചേരിയിലുള്ള സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
മാധ്യമപഠനത്തില്‍ മഹാത്മാഗാന്ധി സര്‍വകലാശലയില്‍ നിന്നും ബിരുദാനന്തര ബിരുദം നേടിയതിനു ശേഷം അനുശ്രീ മാധ്യമ രംഗത്തെത്തി. ജയ്ഹിന്ദ്, ഇന്ത്യാവിഷന്‍ ചാനലുകളില്‍ പ്രവര്‍ത്തിച്ചിരുന്നു.

ഇന്ത്യാവിഷനില്‍ മ്യാവൂ എന്ന വിനോദ പരിപാടി അവതരിപ്പിച്ചിരുന്നു. ചികിത്സാപ്പിഴവാണ് മരണ കാരണമെന്ന് ബന്ധുക്കള്‍ ആരോപിച്ചു.കോട്ടയം മെഡിക്കല്‍ കോളജിലെ പോസ്റ്റ്‌മോര്‍ട്ടത്തിനു ശേഷം വീട്ടുവളപ്പില്‍ മൃതദേഹം സംസ്‌കരിക്കും.
Share this article :

Post a Comment

 
Copyright © 2016. Muhimmath - All Rights Reserved