Latest News :
Home » , » കാണാതായ യുവാവിനെ കിണറില്‍ മരിച്ചനിലയില്‍ കണ്ടെത്തി

കാണാതായ യുവാവിനെ കിണറില്‍ മരിച്ചനിലയില്‍ കണ്ടെത്തി

Written By Muhimmath News on Wednesday, 22 June 2016 | 10:44

ബദിയടുക്ക: രണ്ട് ദിവസം മുമ്പ് കാണാതായ യുവാവിനെ കിണറില്‍ മരിച്ചനിലയില്‍ കണ്ടെത്തി. എന്‍മകജെ ബജെകുഡ്‌ലുവിലെ ചെനിയയുടെ മകന്‍ സുന്ദരയെ (40) ആണ് ചൊവ്വാഴ്ച വൈകുന്നേരം ആറ് മണിയോടെ വീടിനടുത്തുള്ള പറമ്പിലെ കിണറില്‍ മരിച്ചനിലയില്‍ കണ്ടത്. ഞായറാഴ്ച രാവിലെയാണ് സുന്ദരയെ കാണാതായത്.

ഇതേതുടര്‍ന്ന് വീട്ടുകാര്‍ പലയിടങ്ങളിലും അന്വേഷണം നടത്തിയെങ്കിലും സുന്ദരയെകുറിച്ച് യാതൊരു വിവരവും ലഭിച്ചില്ല. ഇതോടെ വീട്ടുകാര്‍ ബദിയടുക്ക പോലീസില്‍ പരാതി നല്‍കിയിരുന്നു. പോലീസ് കേസെടുത്ത് അന്വേഷണം നടത്തിവരുന്നതിനിടെയാണ് സുന്ദരയുടെ മൃതദേഹം കിണറില്‍ കണ്ടെത്തിയത്. മരണത്തില്‍ ബന്ധുക്കള്‍ സംശയം പ്രകടിപ്പിച്ചതിനെതുടര്‍ന്ന് പോലീസ് ഇന്‍ക്വസ്റ്റിന് ശേഷം മൃതദേഹം വിദഗ്ദ്ധ പോസ്റ്റുമോര്‍ട്ടത്തിനായി പരിയാരം മെഡിക്കല്‍ കോളജ് ആശുപത്രിയിലേക്ക് മാറ്റി. 
Share this article :

Post a Comment

 
Copyright © 2016. Muhimmath - All Rights Reserved