Latest News :
Home » , , » റോഡരികില്‍ ഫോണ്‍ ചെയ്യുന്നതിനിടെ കാര്‍ ഡ്രൈവര്‍ മറ്റൊരു കാറിടിച്ച് മരിച്ചു

റോഡരികില്‍ ഫോണ്‍ ചെയ്യുന്നതിനിടെ കാര്‍ ഡ്രൈവര്‍ മറ്റൊരു കാറിടിച്ച് മരിച്ചു

Written By Muhimmath News on Thursday, 14 July 2016 | 12:27

പൊയിനാച്ചി : കൊല്ലൂര്‍ മൂകാംബിക ക്ഷേത്ര ദര്‍ശനംകഴിഞ്ഞു വരികയായിരുന്ന സംഘം സഞ്ചരിച്ച കാറിലെ ഡ്രൈവര്‍ മറ്റൊരു കാറിടിച്ചു മരിച്ചു. കുണ്ടംകുഴിക്കടുത്ത മരുതടുക്കത്തെ കുഞ്ഞിരാമന്‍-ദേവകി ദമ്പതികളുടെ മകന്‍ മധുസൂദനന്‍(32)ആണ് മരിച്ചത്. വ്യാഴാഴ്ച പുലര്‍ച്ചെ രണ്ട് മണിയോടെ പൊയിനാച്ചി ദേശീയപാതയില്‍ പെട്രോള്‍ പമ്പിന് സമീപമായിരുന്നു അപകടം.

കുണ്ടംകുഴിയിലെ നാലംഗ സംഘം സഞ്ചരിച്ച കാറിന്റെ ഡ്രൈവറായിരുന്നു മധുസൂദനന്‍. കണ്ണൂര്‍-കാസര്‍കോട് റൂട്ടില്‍ സര്‍വീസ് നടത്തുന്ന ട്രാന്‍സിറ്റ് ബസിന്റെ െ്രെഡവര്‍കൂടിയാണിയാള്‍. 12ന് ക്ഷേത്രദര്‍ശനത്തിനു പുറപ്പെട്ട സംഘം രാത്രി ഒന്നരയോടെ പൊയിനാച്ചിയിലെത്തി. ഡ്രൈവര്‍ക്ക് ഉറക്കക്ഷീണമുണ്ടായിരുന്നതിനാല്‍ കാര്‍ പെട്രോള്‍ പമ്പില്‍ പാര്‍ക്ക് ചെയ്ത് ഇവര്‍ ഉറങ്ങുകയായിരുന്നു.

ഇതിനിടയില്‍ മധുസൂദനന്‍ ഫോണ്‍ ചെയ്യാന്‍ ദേശീയപാതയോരത്തേക്കു നീങ്ങിയപ്പോള്‍ കണ്ണൂര്‍ ഭാഗത്തേക്കു പോവുകയായിരുന്ന കാര്‍ ഇടിച്ചുതെറിപ്പിക്കുകയായിരുന്നു. ഉടന്‍ പമ്പ്ജീവനക്കാര്‍ കാറിലുണ്ടായിരുന്ന മറ്റുള്ളവരെ വിവരം അറിയിക്കുമ്പോഴേയ്ക്കും ഇടിച്ചിട്ട കാര്‍ അമിതവേഗതയില്‍ ഓടിച്ചുപോയിരുന്നു. പിന്നീട് ചെറുവത്തൂരില്‍ വച്ച് ഹൈവേ പോലീസ് കാര്‍ പിടികൂടുകയായിരുന്നു.
ഏകസഹോദരി: അംബിക.

Share this article :

Post a Comment

 
Copyright © 2016. Muhimmath - All Rights Reserved