Latest News :
Home » , , » വിദ്യാര്‍ത്ഥിനി യുടെ ആത്മഹത്യ: അധ്യാപകര്‍ക്കെതിരെ കേസ്

വിദ്യാര്‍ത്ഥിനി യുടെ ആത്മഹത്യ: അധ്യാപകര്‍ക്കെതിരെ കേസ്

Written By Muhimmath News on Thursday, 28 July 2016 | 11:42

വടകര: റാഗിങ്ങിനെ തുടര്‍ന്ന് വടകര ചെരണ്ടത്തൂര്‍ എംഎച്ച്ഇഎസ് കോളജ് വിദ്യാര്‍ഥിനി ഹസ്‌നാസ് ആത്മഹത്യ ചെയ്ത സംഭവത്തില്‍ കോളജിലെ അധ്യാപകര്‍ക്കെതിരെയും കേസ് എടുത്തു. മുതിര്‍ന്ന വിദ്യാര്‍ഥികള്‍ റാഗ് ചെയ്‌തെന്ന പരാതിയുമായി ഓഫീസിലെത്തിയപ്പോള്‍ അദ്ധ്യാപകര്‍ മുതിര്‍ന്ന വിദ്യാര്‍ഥികളുടെ ഭാഗത്ത് നിന്നുവെന്നും ഹസ്‌നാസിനെക്കൊണ്ട് മറ്റുള്ളവരുടെ മുന്നില്‍വെച്ച് മാപ്പ് പറയിപ്പിച്ചുവെന്നതുമാണ് അദ്ധ്യാപകര്‍ക്കെതിരെ കേസെടുക്കാന്‍ കാരണമായത്.

സംഭവത്തില്‍ കഴിഞ്ഞ ദിവസം മൂന്ന് ആണ്‍കുട്ടികളുടേയും മൂന്ന് പെണ്‍കുട്ടികളുടേയും പേരില്‍ കേസെടുത്തിരുന്നു. മാപ്പ് പറയിപ്പിച്ചതിലെ മനഃപ്രയാസം മൂലമാണ് ഹസ്‌നാസ് ആത്മഹത്യ ചെയ്തതെന്ന് ഹസ്‌നാസിന്റെ സഹപാഠികളും വീട്ടുകാരും പരാതിപ്പെട്ടിരുന്നു. കഴിഞ്ഞ വെള്ളിയാഴ്ചയാണ് തോടന്നൂര്‍ തയ്യുള്ളതില്‍ ഹമീദിന്റെ മകള്‍ ഹസ്‌നാസ് വീട്ടിലെ കുളിമുറിയില്‍ തൂങ്ങി മരിച്ചത്. റാഗിങ് നിരോധന നിയമത്തിലെ വകുപ്പുകള്‍ക്ക് പുറമേ ആത്മഹത്യാ പ്രേരണകുറ്റവും പ്രതികള്‍ക്ക് എതിരെ ചുമത്തിയിട്ടുണ്ട്.

Share this article :

Post a Comment

 
Copyright © 2016. Muhimmath - All Rights Reserved