Latest News :
Home » , , , » മലപ്പുറത്ത് പിഞ്ചു കുഞ്ഞിനെ തെരുവ് നായ കടിച്ചു കീറി

മലപ്പുറത്ത് പിഞ്ചു കുഞ്ഞിനെ തെരുവ് നായ കടിച്ചു കീറി

Written By Muhimmath News on Saturday, 3 September 2016 | 12:24

മലപ്പുറം: മലപ്പുറത്ത് തെരുവ് നായ പിഞ്ചു കുഞ്ഞിനെ കടിച്ചു കീറി. മലപ്പുറം കോഡൂര്‍ ചെമ്മങ്കടവില്‍ ശനിയാഴ്ച രാവിലെ ഒന്‍പതിനാണ് സംഭവം. വീടിനകത്തു കളിച്ചുകൊണ്ടിരിക്കുകയായിരുന്ന പട്ടര്‍ക്കടവ് റിയാസിന്റെ മകള്‍ ഇഷയെയാണ് നായ കടിച്ചുകീറിയത്. ഒരുവയസ് മാത്രം പ്രായമുള്ള കുട്ടിയുടെ മുഖത്തും തലക്കും സാരമായ പരിക്കേറ്റിട്ടുണ്ട്. 

നായ കുട്ടിയെ കടിച്ചു വലിച്ചുകൊണ്ടുപോകുന്നതുകണ്ട അമ്മ കസേരകൊണ്ട് നായയെ എറിഞ്ഞു ഓടിക്കുകയായിരുന്നു. തെരുവുനായകള്‍ പരിസരത്തു വിലസുന്നതുകണ്ടപ്പോള്‍ വാതിലടച്ചു ഭയന്നുകഴിയുകയായിരുന്നു വീട്ടുകാര്‍.

ഇതിനിടെ ഒന്‍പതോടെ വാതില്‍ തുറന്നപ്പോള്‍ വീണ്ടും തെരുവു നായ വീടിനകത്തുകയറി കുഞ്ഞിനെ ആക്രമിക്കുകയായിരുന്നു. കുട്ടിയെ മഞ്ചേരി മെഡിക്കല്‍ കോളജ് ആശുപത്രി തീവ്രപരിചരണ വിഭാഗത്തില്‍ പ്രവേശിപ്പിച്ചു. പ്രദേശത്ത് തെരുവ് നായശല്യം രൂക്ഷമാണ്. ഇതിനെതിരെ അധികൃതര്‍ നടപടിയെടുക്കാത്തതില്‍ പ്രതിഷേധം ശക്തമാണ്.

Share this article :

Post a Comment

 
Copyright © 2016. Muhimmath - All Rights Reserved