Latest News :
Home » , » വിവാഹിതയായ യുവതിക്കെ തിരെ അപവാദ പ്രചരണം: സൈബര്‍ സെല്‍ അന്വേഷണം തുടങ്ങി

വിവാഹിതയായ യുവതിക്കെ തിരെ അപവാദ പ്രചരണം: സൈബര്‍ സെല്‍ അന്വേഷണം തുടങ്ങി

Written By Muhimmath News on Monday, 19 September 2016 | 11:56

കാസര്‍കോട്: ഒരു വര്‍ഷം മുമ്പ് വിവാഹിതയായ യുവതിക്കെതിരെ സോഷ്യല്‍ മീഡിയയില്‍ അപവാദ പ്രചരണം നടത്തുന്നുവെന്ന പരാതിയുടെ അടിസ്ഥാനത്തില്‍ സൈബര്‍ സെല്‍ അന്വേഷണം ആരംഭിച്ചു. 

വിവാഹിതയായ മകളുടെ ഫോട്ടോ വെച്ച് ഫെയ്‌സ് ബുക്ക്, വാട്‌സ് ആപ് തുടങ്ങിയ സോഷ്യല്‍ മീഡിയകളില്‍ അപവാദ പ്രചരണം നടത്തുന്നതായി പിതാവ് നല്‍കിയ പരാതിയെക്കുറിച്ചാണ് കാസര്‍കോട് സൈബര്‍ സെല്‍ അന്വേഷണം ആരംഭിച്ചിരിക്കുന്നത്.

നായന്മാര്‍മൂലയിലെ എ അഹ്മദ് ഹാജിയാണ് ഇത് സംബസിച്ച് സൈബര്‍ സെല്ലില്‍ പരാതി നല്‍കിയത്. പള്ളിക്കരയിലേക്ക് വിവാഹം ചെയ്തയച്ചമകളുടെ വിവാഹ ചടങ്ങിലെ ഫോട്ടോ വെച്ച് നഗരത്തിലെ പ്രമുഖ ജ്വല്ലറി ഉടമയുടെ വിവാഹം  ചെയ്യാത്ത മകളാണെന്ന് തെറ്റിദ്ധരിപ്പിക്കുന്ന രീതിയില്‍ വ്യാപകമായി പ്രചരിപ്പിക്കുകയാണ്. 

നല്ല നിലയില്‍ മാന്യമായ രീതിയില്‍ ജീവിക്കുന്ന തനിക്കും കുടുംബത്തിനും മകളുടെ കുടുംബത്തിനും ഇത് വലിയ അപമാനമാണ് ഉണ്ടാക്കിയിരിക്കുന്നതെന്നും പ്രചരിപ്പിച്ച ആള്‍ക്കും അത് ഷെയര്‍ ചെയ്യുന്നവര്‍ക്കുമെതിരേ സൈബര്‍ ആക്ട് പ്രകാരം നടപടിയെടുക്കണമെന്നും ആവശ്യപ്പെട്ടാണ് പരാതി നല്‍കിയത്. സൈബര്‍ സെല്ലിന് നല്‍കിയ പരാതിയെ തുടര്‍ന്ന് ഇത് പ്രചരിപ്പിച്ചവര്‍ക്കെതിരേ അന്വേഷണം തുടങ്ങി.

Share this article :

Post a Comment

 
Copyright © 2016. Muhimmath - All Rights Reserved