Latest News :
Home » , , , » ഡൊണാള്‍ഡ് ട്രംപ് സൗദിയില്‍: സുപ്രധാന കരാറുകളില്‍ ഒപ്പുവെക്കും

ഡൊണാള്‍ഡ് ട്രംപ് സൗദിയില്‍: സുപ്രധാന കരാറുകളില്‍ ഒപ്പുവെക്കും

Written By Muhimmath News on Saturday, 20 May 2017 | 17:56



 റിയാദ്: അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് സൌദി അറേബ്യയിലെത്തി. രാവിലെ ഒമ്പത് നാല്‍പത്തി അഞ്ചോടെ റിയാദിലെ കിംങ് ഖാലിദ് വിമാനത്താവളത്തിലെത്തിയ അദ്ദേഹത്തെ സല്‍മാന്‍ രാജാവ് സ്വീകരിച്ചു. പ്രസിഡന്റായി ചുമതലയേറ്റതിന് ശേഷമുള്ള ട്രംപിന്റെ പ്രഥമ വിദേശ സന്ദര്‍ശനമാണ് ഇത്. അറബ് ഇസ്ലാമിക രാഷ്ട്രതലവന്‍മാരുമായി ട്രംപ് റിയാദില്‍ കൂടിക്കാഴ്ച നടത്തും.


എയര്‍ഫോര്‍ഴ്‌സ വണ്‍ വിമാനത്തില്‍ നിന്നും പുറത്തിറങ്ങിയ ഡോണാള്‍ഡ് ട്രംപിനെയും ഭാര്യ മെലാനിയെയും സല്‍മാന്‍ രാജാവും റിയാദ് ഗവര്‍ണ്ണര്‍ അമീര്‍ ഫൈസല്‍ ബിന്‍ ബന്ദറും ചേര്‍ന്ന് സ്വീകരിച്ചു. ഊശ്മള വരവേല്‍പ്പാണ് ട്രംപിന് റിയാദില്‍ ലഭിച്ചത്. ഉച്ച വിരുന്നിന് ശേഷമാണ് ഉഭയ കക്ഷി ചര്‍ച്ച നടക്കുക. ഇരു രാജ്യങ്ങളും തമ്മില്‍ നിരവധി ആയുധ , വാണിജ്യ കരാറുകള്‍ ഒപ്പുവെക്കും.




സൌദി അറേബ്യയും അമേരിക്കയും തമ്മിലുള്ള പതിറ്റാണ്ടുകള്‍ നീണ്ട സൌഹൃദ ബന്ധം ഊട്ടിയുറപ്പിക്കുന്ന കരാറുകളാണ് ഒപ്പുവെക്കുയെന്ന് സൌദി വിദേശ കാര്യ മന്ത്രി ആദില്‍ ജുബൈര്‍ പ്രതികരിച്ചു. സൌദി കിരീടവകാശിയും ആഭ്യന്തര മന്ത്രിയുമായ അമീര്‍ മുഹമ്മദ് ബിന്‍ നാഇഫും രണ്ടാം കിരീടവകാശിയും പ്രതിരോധ മന്ത്രിയുമായ അമീര്‍ മുഹമ്മദ് ബിന്‍ സല്‍മാനും ട്രംപുമായി പ്രത്യേകം ചര്‍ച്ച നടത്തും. നാഷണല്‍ മ്യൂസിയത്തില്‍ സൌദി രാജകുടുംബാംഗങ്ങള്‍ ട്രംപിന് അത്താഴ വിരുന്നും ഒരുക്കിയിട്ടുണ്ട്.



അറബ് ഇസ്ലാമിക ലോകത്തെ അഭിസംബോധന ചെയ്തുള്ള ട്രംപിന്റെ പ്രസംഗം ഞായറാഴ്ചയാണ്. കിംങ് അബ്ദുല്‍ അസീസ് കണ്‍വെന്‍ഷന്‍ സെന്ററില്‍ നടക്കുന്ന അറബ് ഇസ്ലാമിക അമേരിക്ക ഉച്ചകോടിയില്‍ അന്പതിലധികം രാജ്യങ്ങളുടെ പ്രതിനിധികള്‍ പങ്കെടുക്കും.
Share this article :

Post a Comment

 
Copyright © 2016. Muhimmath - All Rights Reserved