Latest News :
Home » , » ആന്ധ്രാപ്രദേശില്‍ നിന്നും കടത്തിയ 14 കിലോ കഞ്ചാവുമായി 2 ബണ്ട്വാള്‍ സ്വദേശികള്‍ അറസ്റ്റില്‍

ആന്ധ്രാപ്രദേശില്‍ നിന്നും കടത്തിയ 14 കിലോ കഞ്ചാവുമായി 2 ബണ്ട്വാള്‍ സ്വദേശികള്‍ അറസ്റ്റില്‍

Written By Muhimmath News on Monday, 29 May 2017 | 11:01

മംഗളൂരു: ആന്ധ്രാപ്രദേശില്‍ നിന്നും കടത്തിക്കൊണ്ടുവരികയായിരുന്ന 14 കിലോ കഞ്ചാവുമായി രണ്ടു പേരെ മംഗളൂരു സിറ്റി
ക്രൈംബ്രാഞ്ച് പോലീസ് അറസ്റ്റ് ചെയ്തു. ബണ്ട് വാള്‍ നരിങ്കണയിലെ അബ്ദുല്‍ അസീസ് (35), മുഹമ്മദ് മുസ്തഫ എന്ന ഗിഡി (44) എന്നിവരാണ് പിടിയിലായത്.

മാരുതി 800 കാറിലാണ് സംഘം കഞ്ചാവ് കടത്താന്‍ ശ്രമിച്ചത്. രഹസ്യ വിവരം ലഭിച്ചതിന്റെ അടിസ്ഥാനത്തില്‍ കയര്‍ഗോളിയില്‍ വെച്ച് നടത്തിയ പരിശോധനയിലാണ് ഇവര്‍ പിടിയിലായത്. മംഗളൂരുവിന് പുറമെ മഞ്ചേശ്വരം, ഉപ്പള തുടങ്ങിയ സ്ഥലങ്ങളിലാണ് ഇവര്‍ കഞ്ചാവ് വിതരണം ചെയ്തുവന്നിരുന്നതെന്ന് പോലീസ് പറഞ്ഞു.

കഞ്ചാവ് കടത്താന്‍ ഉപയോഗിച്ച കാറും, രണ്ട് മൊബൈല്‍ ഫോണുകളും പോലീസ് കസ്റ്റഡിയിലെടുത്തു. അസി. കമ്മീഷണര്‍ വലെന്റൈന്‍ ഡിസൂസ, ഇന്‍സ്‌പെക്ടര്‍ ശ്യം സുന്ദര്‍ എന്നിവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.

Share this article :

Post a Comment

 
Copyright © 2016. Muhimmath - All Rights Reserved