Latest News :
Home » , , » ഇസ്ലം മതം സ്വീകരിച്ചതിന് ആര്‍.എസ്.എസ്സില്‍ നിന്ന് വധഭീഷണി നേരിടുന്നുവെന്ന് യുവാവ്

ഇസ്ലം മതം സ്വീകരിച്ചതിന് ആര്‍.എസ്.എസ്സില്‍ നിന്ന് വധഭീഷണി നേരിടുന്നുവെന്ന് യുവാവ്

Written By Muhimmath News on Tuesday, 13 June 2017 | 18:11

കൊച്ചി: മതം മാറിയതിന് ആര്‍.എസ്.എസ് പ്രവര്‍ത്തകരില്‍ നിന്ന് നേരിടേണ്ടി വന്ന ദുരനുഭവങ്ങള്‍ വിവരിച്ച് യുവാവിന്റെ വിഡിയോ സന്ദേശം. എറണാകുളം സ്വദേശി സന്ദീപാണ് തനിക്ക് ആര്‍.എസ്.എസ് വധഭീഷണിയുള്ളതായി വെളിപ്പെടുത്തിയത്.

കോഴിക്കോട് മുഖദാറിലുള്ള തര്‍ബിയ്യത്തുല്‍ ഇസ്‌ലാം സഭ എന്ന സ്ഥാപനത്തില്‍ നിന്നാണ് സന്ദീപ് കുടുംബത്തോടൊപ്പം ഒരു വര്‍ഷം മുമ്പ് ഇസ്‌ലാം സ്വീകരിച്ചത്. മതപഠനത്തിന് ശേഷം പുറത്തിറങ്ങിയ തങ്ങളെ സംഘ്പരിവാര്‍ പ്രവര്‍ത്തകര്‍ കോഴിക്കോട് ചെറുവണ്ണൂരിലെ കേന്ദ്രത്തിലെത്തിച്ച് ക്രൂരമായ രീതിയില്‍ പെരുമാറിയതായി സന്ദീപ് പറയുന്നു. തര്‍ബിയ്യത്തുല്‍ ഇസ്‌ലാം സഭക്കെതിരെ ആര്‍.എസ്.എസ്സുകാര്‍ ഭീഷണിപ്പെടുത്തി തന്നക്കൊണ്ട് പറയിപ്പിച്ചു. ജനം ടി.വിയില്‍ സംപ്രേക്ഷണം ചെയ്ത ഈ അഭിമുഖം കത്തിമുനയില്‍ നിര്‍ത്തി പറയിപ്പിച്ചതാണെന്ന് സന്ദീപ് വ്യക്തമാക്കി. പിഞ്ചു മകന്റെ ജീവനെ കരുതിയാണ് തര്‍ബിയ്യത്തിനെതിരെ ആരോപണങ്ങള്‍ പറഞ്ഞതെന്നും ഖേദിക്കുന്നതായും അദ്ദേഹം പറഞ്ഞു. കോഴിക്കോട് നിന്നും രക്ഷപ്പെട്ട് എറണാകുളത്തെത്തിയെങ്കിലും ആര്‍.എസ്.എസ് ഭീഷണി നിലനില്‍ക്കുന്നു.

ഇത് തന്റെ അവസാന വീഡിയോ ആയിരിക്കാമെന്നും ആര്‍.എസ്.എസ്സുകാര്‍ തന്നേയും തന്റെ കുടുംബത്തേയും ഇല്ലാതാക്കാമെന്നും തങ്ങള്‍ക്ക് വേണ്ടി എല്ലാവരും പ്രാര്‍ത്ഥിക്കണമെന്നും പറഞ്ഞാണ് സന്ദീപിന്റെ വീഡിയോ അവസാനിക്കുന്നത്. സന്ദീപിന്റെ വിഡിയോ ഇതിനകം സാമൂഹിക മാധ്യമങ്ങളില്‍ ചര്‍ച്ചയായി.
Share this article :

Post a Comment

 
Copyright © 2016. Muhimmath - All Rights Reserved