Latest News :
Home » , , » കേരള മുസ്‌ലിം ജമാഅത്ത് ജില്ലാ ഇഫ്താര്‍ സംഗമം സൗഹൃദ വേദിയായി

കേരള മുസ്‌ലിം ജമാഅത്ത് ജില്ലാ ഇഫ്താര്‍ സംഗമം സൗഹൃദ വേദിയായി

Written By Muhimmath News on Wednesday, 7 June 2017 | 20:34

























കാസര്‍കോട്: കേരള മുസ്‌ലിം ജമാഅത്ത് ജില്ലാ ഘടകം കാസര്‍കോട് സുന്നി സെന്ററില്‍ സംഘടിപ്പിച്ച ഇഫ്താര്‍ സംഗമം സൗഹൃദ വേദിയായി. മതരാഷ്ട്രീയ സാംസ്‌കാരിക രംഗത്തെ പ്രമുഖര്‍ നോമ്പുതുറക്കെത്തി. സൗഹൃദത്തിന്റെ നന്മകള്‍ പങ്കുവെക്കുന്ന വേദികള്‍ കൂടുതലായി ഉയര്‍ന്നുവരണമെന്ന് സംഗമത്തില്‍ സംഗമിച്ചവര്‍ അഭിപ്രായപ്പെട്ടു.

മുസ്‌ലിം വ്രതത്തിന് ഐക്യദാര്‍ഡ്യവുമായി വര്‍ഷങ്ങളായി റമസാനില്‍ വ്രതമനുഷ്ഠിക്കുന്ന മധു മാസ്റ്റര്‍ കരിവെള്ളൂര്‍ ഇഫ്ത്താറിനെത്തിയത് സൗഹൃദം പകര്‍ന്നു.

കേരള മുസ്‌ലിം ജമാഅത്ത് ജില്ലാ പ്രസിഡന്റ് സയ്യിദ് ഇബ്‌റാഹിം പൂക്കുഞ്ഞി തങ്ങള്‍ കല്ലക്കട്ടയുടെ അധ്യക്ഷതയില്‍ എസ് വൈ എസ് സംസ്ഥാന ഉപാധ്യക്ഷന്‍ പള്ളങ്കോട് അബ്ദുല്‍ ഖാദിര്‍ മദനി ഉദ്ഘാടനം ചെയ്തു. ബി എസ് അബ്ദുല്ലക്കുഞ്ഞി ഫൈസി, കാട്ടിപ്പാറ അബ്ദുല്‍ ഖാദിര്‍ സഖാഫി, ഐ എന്‍ എല്‍ ജില്ലാ സെക്രട്ടറി അസീസ് കടപ്പുറം, കെ എസ് യു ജില്ലാ പ്രസിഡന്റ് ടോമിന്‍ ജോസഫ്, ജില്ലാ പഞ്ചായത്ത് മെമ്പര്‍ ഹര്‍ഷാദ് വൊര്‍ക്കാടി, അബ്ദുല്ലക്കുഞ്ഞി ഉദുമ, അബ്ദുല്‍ ഹമീദ് മദനി, ഹാരിസ് ഹിമമി സഖാഫി, ഇബ്‌റാഹിം ഹാജി ഉപ്പള, നാസര്‍ ബന്താട്, ബശീര്‍ പുളിക്കൂര്‍, ശംസുദ്ദീന്‍ പുതിയപുര, ടിപ്പു മുഹമ്മദ് തുടങ്ങിയവര്‍ പ്രസംഗിച്ചു. സുലൈമാന്‍ കരിവെള്ളൂര്‍ സ്വാഗതവും കെ എച്ച് അബ്ദുല്ല മാസ്റ്റര്‍ നന്ദിയും പറഞ്ഞു.
Share this article :

Post a Comment

 
Copyright © 2016. Muhimmath - All Rights Reserved