Theme Layout

Theme Translation

Trending Posts Display

Home Layout Display

Posts Title Display

ചര്‍ച്ച പൊളിഞ്ഞു; അര്‍ധരാത്രി മുതല്‍ കെഎസ്ആര്‍ടിസി സമരം

404

We Are Sorry, Page Not Found

Home Page
കാസര്‍കോട്: കാസര്‍കോട് ജില്ലയില്‍ സംഘര്‍ഷങ്ങളുണ്ടാക്കി കലാപം അഴിച്ച് വിടാനുള്ള ചില തീവ്രവാദ സംഘങ്ങളുടെയും, തല്പരകക്ഷികളുടെയും ശ്രമങ്ങളെ ജനങ്ങള്‍ കരുതിയിരിക്കണമെന്നും ഇക്കാര്യത്തില്‍ പോലീസ് ജാഗ്രത പാലിച്ച് ജനങ്ങള്‍ക്ക് സൈ്വര്യമായി ജീവിക്കാനുള്ള സാഹചര്യം ഉണ്ടാക്കണമെന്നും മുസ്ലിം യൂത്ത് ലീഗ് ജില്ലാ പ്രവര്‍ത്തക സമിതി യോഗം ആവശ്യപ്പെട്ടു.

കഴിഞ്ഞ ദിവസം കുഡ്‌ലുവില്‍ വെച്ച് കൊലക്കേസ്സ് അടക്കം നിരവധി ക്രിമിനല്‍ കേസുകളില്‍ പ്രതിയായ ബട്ടംമ്പാറ സ്വദേശിയുടെ നേതൃത്വത്തില്‍ ബസ്സ് തടഞ്ഞ് വെച്ച്‌ ്രൈഡവറെ അപായപ്പെടുത്താന്‍ ശ്രമിച്ചതും, ഇതറിഞ്ഞ് സ്ഥലത്തെത്തിയ പോലീസിന് നേരെ കൊലവിളി നടത്തിയതും, ആഴ്ചകള്‍ക്ക് മുമ്പ് കോട്ടക്കണ്ണി റോഡില്‍ വെച്ച് നടന്ന സംഭവവും, അതിന്റെ തൊട്ടടുത്ത ദിവസം ബി.ജെ.പി ജില്ലാ നേതാക്കളുടെ നേതൃത്വത്തില്‍ കാസര്‍കോട് നഗരത്തില്‍ നടത്തിയ കൊലവിളി പ്രകടനവും ഇതിന് ഉദാഹരണമാണ്.

സ്വാതന്ത്രദിനത്തിലും, ഗണേശോത്സവം നടക്കുമ്പോഴും ജില്ലയുടെ വിവിധ ഭാഗങ്ങളില്‍ വലിയ രീതിയിലുള്ള സംഘര്‍ഷങ്ങളുണ്ടാക്കി കലാപങ്ങള്‍ അഴിച്ച് വിടാനുള്ള നീക്കങ്ങളാണ് ഉത്തരവാദിത്തപ്പെട്ട കേന്ദ്രവും,സംസ്ഥാനവും ഭരിക്കുന്ന രാഷ്ട്രീയ പാര്‍ട്ടികളില്‍ നിന്ന് ഉണ്ടായത്. ഇത്തരം സംഭവങ്ങള്‍ക്കെതിരെ മുഖം നോക്കാതെ നടപടി സ്വീകരിക്കാന്‍ പോലീസ് തയ്യാറാവണമെന്നും യോഗം ആവശ്യപ്പെട്ടു.

ഫാസിസത്തിനെതിരെ മതേതര പ്രതിരോധം എന്ന പ്രമേയത്തില്‍ ജില്ലാ കമ്മിറ്റി ആരംഭിച്ച കാമ്പയിന്‍ താഴെക്കിടയില്‍ ശക്തമാക്കാന്‍ യോഗം പരിപാടികള്‍ ആവിഷ്‌കരിച്ചു.

യോഗത്തില്‍ പ്രസിഡന്റ് അഷ്‌റഫ് ഇടനീര്‍ അദ്യക്ഷത വഹിച്ചു. ജനറല്‍ സെക്രട്ടറി ടി.ഡി കബീര്‍ സ്വാഗതം പറഞ്ഞു, സംസ്ഥാന സെക്രട്ടറി അഷിക് ചെലവൂര്‍ ഉദ്ഘാടനം ചെയ്തു. സംസ്ഥാന സെക്രട്ടറി എ.കെ.എം അഷ്‌റഫ്, ജില്ലാ ഭാരവാഹികളായ യൂസുഫ് ഉളുവാര്‍, നാസര്‍ ചായിന്റടി, ഹാരിസ് പട്ട്‌ള, മന്‍സൂര്‍ മല്ലത്ത്, എം.എ നജീബ്, അസീസ് കളത്തൂര്‍, നൗഷാദ് കൊത്തിക്കാല്‍, പ്രസംഗിച്ചു.

Leave A Reply