Latest News :
ബാര്‍കോഴ കേസില്‍ മാണിക്ക് തിരിച്ചടി; ക്ലീന്‍ചിറ്റ് നല്‍കിയ വിജിലന്‍സ് റിപ്പോര്‍ട്ട് കോടതി തള്ളി
Home » , » പളളിക്കര രാപകല്‍ സത്യാഗ്രഹ സമരത്തില്‍ സ്വാതന്ത്ര്യ സമര സേനാനി കെ അര്‍ കണ്ണനെത്തി

പളളിക്കര രാപകല്‍ സത്യാഗ്രഹ സമരത്തില്‍ സ്വാതന്ത്ര്യ സമര സേനാനി കെ അര്‍ കണ്ണനെത്തി

Written By Muhimmath News on Tuesday, 19 September 2017 | 18:30





നീലേശ്വരം: പള്ളിക്കര റെയില്‍വേ മേല്‍പാലം നിര്‍മാണം ഉടന്‍ ആരംഭിക്കണമെന്നാവശ്യപ്പെട്ട് പി കരുണാകരന്‍ എം പി റെയില്‍വേഗേറ്റ് പരിസരത്ത് നടത്തുന്ന രാപ്പകല്‍ സത്യാഗ്രഹ പന്തലില്‍ പിന്തുണയുമായി സ്വാതന്ത്ര്യ സമര സേനാനിം മുതിര്‍ന്ന കോണ്‍ഗ്രസ് നേതാവുമായ കെ ആര്‍ കണ്ണനെത്തി.


രണ്ടാം ദിവസത്തെ സത്യാഗ്രഹ സമരം ഉദ്ഘാടനം ചെയ്ത കെ ആര്‍ കണ്ണന്‍ എം പി നടത്തുന്നത് ധാര്‍മിക സമരമാണെന്നും ജനപക്ഷത്തു നിന്നുള്ള സമരത്തിന് എല്ലാവിധ പിന്തുണയും നല്‍കുന്നതായും പ്രഖ്യാപിച്ചു. കേന്ദ്ര സര്‍ക്കാറിന്റെ നെറികേടുകള്‍ക്കെതിരെ ശക്തമായി പ്രതികരിക്കണമെന്നും അദ്ദേഹം ആഹ്വാനം ചെയ്തു. സമരത്തെ പിന്തുണക്കുകയും അനുഗ്രഹിക്കുകയും ചെയ്ത കെ ആര്‍ കണ്ണനെ പി കരുണാകരന്‍ എംപി പൊന്നാടയണിയിച്ച് ആദരിച്ചു.

ചെറുവത്തൂര്‍ കാനായിയിലെ പ്രമുഖ കോണ്‍ഗ്രസ് പ്രവര്‍ത്തകന്‍ 83കാരനായ എ വി നാരായണ പൊതുവാളും സമരപന്തലിലെത്തി അഭിവാദ്യമര്‍പ്പിച്ചു. സി പി എം ജില്ലാ സെക്രട്ടറിയേറ്റംഗം പി ജനാര്‍ദനന്‍ അധ്യക്ഷത വഹിച്ചു. സംസ്ഥാന കമ്മിറ്റി അംഗം കെ കുഞ്ഞിരാമന്‍, കോണ്‍ഗ്രസ് എസ് ജില്ലാ പ്രസിഡന്റ് കൈപ്രത്ത് കൃഷ്ണന്‍ നമ്പ്യാര്‍, ചെറുവത്തൂര്‍ പഞ്ചായത്ത് പ്രസിഡന്റ് മാധവന്‍ മണിയറ, കയ്യൂര്‍ ചീമേനി പഞ്ചായത്ത് പ്രസിഡന്റ് പി ശകുന്തള, പ്രവാസി സംഘം നേതാവ് പി കെ അബ്ദുല്ല, ബീഡി വര്‍ക്കേഴ്‌സ് യൂണിയന്‍ നേതാവ് കെ കുഞ്ഞിക്കണ്ണന്‍, കെ ബാലകൃഷ്ണന്‍ തുടങ്ങിയവര്‍ അഭിവാദ്യം ചെയ്തു. വിവിധ വര്‍ഗ ബഹുജന സംഘടനകള്‍ പ്രകടനമായി എത്തിയാണ് സമരത്തിന് ഐക്യദാര്‍ഡ്യം പ്രഖ്യാപിക്കുന്നത്.
Share this article :

Post a Comment

 
Copyright © 2016. Muhimmath - All Rights Reserved