Latest News :
...
Home » , » വിവാഹ വാഗ്ദാനം നല്‍കി നഴ്‌സിനെ പീഡിപ്പിച്ചു; കരുനാഗപള്ളി സ്വദേശി അറസ്റ്റില്‍

വിവാഹ വാഗ്ദാനം നല്‍കി നഴ്‌സിനെ പീഡിപ്പിച്ചു; കരുനാഗപള്ളി സ്വദേശി അറസ്റ്റില്‍

Written By Muhimmath News on Saturday, 7 October 2017 | 17:25

കാസര്‍കോട്: അസുഖത്തിന് ചികിത്സയിലായിരുന്ന മാതാവിന്റെ കൂട്ടിരിപ്പിനായെത്തിയ ഗള്‍ഫുകാരന്‍ നഴ്‌സിനെ വിവാഹ വാഗ്ദാനം നല്‍കി പീഡിപ്പിച്ചതായി പരാതി. സംഭവത്തില്‍ പ്രതിയെ പോലീസ് അറസ്റ്റുചെയ്തു. കൊല്ലം കരുനാഗപ്പള്ളി തറയില്‍മുതക്കിലെ മുഹമ്മദ് റിയാസ് എന്ന കെ എസ് റിയാസ് (26) ആണ് അറസ്റ്റിലായത്.


ഇക്കഴിഞ്ഞ സെപ്തംബര്‍ മൂന്നിന് ആണ് സംഭവം. റിയാസിന്റെ മാതാവ് കാസര്‍കോട്ടെ സ്വകാര്യ ആശുപത്രിയില്‍ ചികിത്സയിലായിരുന്നപ്പോഴാണ് പ്രതി നഴ്‌സിനെ പീഡിപ്പിച്ചത്. ആലപ്പുഴ ആറ്റിങ്ങല്‍ സ്വദേശിനിയാണ് പീഡനത്തിനിരയായ യുവതി. മാതാവ് ചികിത്സയിലായിരിക്കെ റിയാസ് നഴ്‌സിനെ പരിജയപ്പെട്ട് അടുപ്പത്തിലാവുകയും വിവാഹ വാഗ്ദാനം നല്‍കി പീഡിപ്പിക്കുകയുമായിരുന്നുവെന്നാണ് പരാതി.


പിന്നീട് വിവാഹ വാഗ്ദാനത്തില്‍ നിന്നും പിന്‍മാറിയതോടെ നഴ്‌സ് കാസര്‍കോട് പോലീസില്‍ പരാതി നല്‍കുകയായിരുന്നു. പ്രതി റിയാസിനെ വെള്ളിയാഴ്ച വൈകീട്ട് ആറ് മണിയോടെ കാസര്‍കോട് സിഐ അബ്ദുര്‍ റഹീമും സംഘവുമാണ് അറസ്റ്റ് ചെയ്തത്. പ്രതിയെ ശനിയാഴ്ച കോടതിയില്‍ ഹാജരാക്കും.
Share this article :

Post a Comment

 
Copyright © 2016. Muhimmath - All Rights Reserved