Latest News :
Home » , » മുഖ്യമന്ത്രിക്കെതിരെ സോഷ്യല്‍മീഡിയകളിലൂടെ അധിക്ഷേപിച്ച ഉദ്യോഗസ്ഥന് സസ്‌പെന്‍ഷന്‍

മുഖ്യമന്ത്രിക്കെതിരെ സോഷ്യല്‍മീഡിയകളിലൂടെ അധിക്ഷേപിച്ച ഉദ്യോഗസ്ഥന് സസ്‌പെന്‍ഷന്‍

Written By Muhimmath News on Tuesday, 24 October 2017 | 11:19

തിരുവനന്തപുരം: മുഖ്യമന്ത്രിയേയും ആഭ്യന്തര വകുപ്പിനെയും സോഷ്യല്‍മീഡിയകളിലൂടെ സര്‍ക്കാര്‍ ഉദ്യോഗസ്ഥന്‍ അധിക്ഷേപിച്ചു. സംഭവത്തില്‍ സര്‍ക്കാര്‍ ഉദ്യോഗസ്ഥനെ അന്വേഷണവിധേയമായി സസ്‌പെന്‍ഡ് ചെയ്തു. പൊതുമരാമത്ത് വകുപ്പ് നെടുമങ്ങാട് കെട്ടിട വിഭാഗം അസിസ്റ്റന്റ് എക്‌സിക്യൂട്ടീവ് എന്‍ജിനിയര്‍ ബാലവിനായകത്തെയാണ് സസ്‌പെന്‍ഡ് ചെയ്തത്. മന്ത്രി ജി സുധാകരന്റെ നിര്‍ദേശപ്രകാരമായിരുന്നു സസ്‌പെന്‍ഷന്‍.

സര്‍ക്കാര്‍ ഉദ്യോഗസ്ഥന്‍ മാധ്യമങ്ങളില്‍ സര്‍ക്കാരിനെതിരെ പ്രചാരണം നടത്തരുതെന്നും രാഷ്ട്രീയ നിഷ്പക്ഷത പാലിക്കണമെന്നുമുള്ള പെരുമാറ്റചട്ടങ്ങളിലെ വ്യവസ്ഥകള്‍ ബാലവിനായകം ലംഘിച്ചതിനാലാണ് അച്ചടക്ക നടപടിക്ക് വിധേയമായി സസ്‌പെന്‍ഡ് ചെയ്തതെന്ന് മന്ത്രിയുടെ ഓഫീസ് അറിയിച്ചു.

Share this article :

Post a Comment

 
Copyright © 2016. Muhimmath - All Rights Reserved