Latest News :
കാസര്‍കോട് കണ്‍ട്രോള്‍ റൂം സജീവം, ഉപ്പളയിലും തുറന്നു; എസ് വൈ എസ് പ്രളയക്കെടുതി ദുതിതാശ്വാസ നിധിയിലേക്ക് കാരുണ്യ പ്രവാഹം
Home » , , » ദുബായില്‍ ട്രെയ്‌ലര്‍ ലോറിയിടിച്ച കാസര്‍കോട് സ്വദേശി മരിച്ചു

ദുബായില്‍ ട്രെയ്‌ലര്‍ ലോറിയിടിച്ച കാസര്‍കോട് സ്വദേശി മരിച്ചു

Written By Muhimmath News on Sunday, 29 October 2017 | 17:58

ദുബായ്: ദുബായില്‍ ട്രെയ്‌ലര്‍ ലോറിയിടിച്ച് കാസര്‍കോട് സ്വദേശി മരിച്ചു. പെരുമ്പള ബേനൂരിലെ പുതിയപുര പി. വേണുഗോപാലന്‍ (48) ആണ് മരിച്ചത്. ഇന്നലെ രാത്രി താമസസ്ഥലത്തേക്ക് നടന്നുപോകുമ്പോഴാണ് അപകടം.

20 വര്‍ഷമായി വിദേശത്ത് ജോലിചെയ്യുകയാണ് വേണുഗോപാലന്‍. ഒരു വര്‍ഷം മുമ്പാണ് നാട്ടില്‍ വന്ന് പോയത്. വന്‍കിട ചരക്ക് വാഹനങ്ങളുടെ മെക്കാനിക്കല്‍ ജോലികള്‍ ചെയ്തുവരികയായിരുന്നു ആദ്യം. ഈ രംഗത്തെ തന്റെ കഴിവ് തെളിയിച്ച വേണുഗോപാലന്‍ അടുത്തകാലത്ത് സ്വന്തമായി വര്‍ക്ക്‌ഷോപ്പ് തുടങ്ങിയിരുന്നു.

ഇന്നലെ രാത്രി വര്‍ക്ക്‌ഷോപ്പ് പൂട്ടി താമസസ്ഥലത്തേക്ക് നടന്നുപോകുമ്പോഴാണ് അപകടം നടന്നത്. ഭാര്യ: ശ്രീജ പാണൂര്‍. മക്കള്‍: വിഷ്ണുരാജ്, വൈഷ്ണവ്. പരേതരായ പുതിയപുര കുഞ്ഞമ്പുനായരുടേയും ലീലയുടേയും മകനാണ്. സഹോദരങ്ങള്‍: പി. ഗോപിനാഥന്‍, പി. മാധവന്‍ (ബാബു), പി. സുരേഷ് കുമാര്‍, സുധ, രാധ.

മൃതദേഹം നാട്ടിലേക്ക് കൊണ്ടുവരാനുള്ള ഒരുക്കങ്ങള്‍ നടക്കുന്നു.
Share this article :

Post a Comment

 
Copyright © 2016. Muhimmath - All Rights Reserved