Latest News :
ജലന്ധര്‍ പീഡനം; കേസില്‍ സി.ബി.ഐ അന്വേഷണം ആവശ്യമില്ല: പൊലീസ് സ്വതന്ത്രമായി അന്വേഷിക്കട്ടെയെന്ന് ഹൈക്കോടതി
Home » , » കേരള കേന്ദ്ര സര്‍വ്വകലാശാലയില്‍ മതസൗഹാര്‍ദ്ദവാരാഘോഷത്തിന് സമാപനം കുറിച്ചു

കേരള കേന്ദ്ര സര്‍വ്വകലാശാലയില്‍ മതസൗഹാര്‍ദ്ദവാരാഘോഷത്തിന് സമാപനം കുറിച്ചു

Written By Muhimmath News on Thursday, 23 November 2017 | 18:55



പെരിയ: കേന്ദ്രസര്‍വ്വകലാശാലയില്‍ ഒരാഴ്ചയായി നീണ്ടുനിന്ന മതസൗഹാര്‍ദ്ദ വാരാഘോഷത്തിന് സമാപനം കുറിച്ചു. എന്‍.എസ്.എസ്. യൂണിറ്റിന്റെ മേല്‍നോട്ടത്തില്‍ വലിയ ക്യാന്‍വാസില്‍ മതസൗഹാര്‍ദ്ദത്തിന്റെ സന്ദേശങ്ങള്‍ എഴുത്തിലൂടെയും ചിത്രങ്ങളിലൂടെയും എന്‍.എസ്.എസ്. വളണ്ടിയര്‍മാരും വിദ്യാര്‍ത്ഥികളും അദ്ധ്യാപകരും ചേര്‍ന്ന് കോറിയിട്ടു. ഇതിന്റെ ഉദ്ഘാടനം രജിസട്രാര്‍ ഡോ. എ. രാധാകൃഷ്ണന്‍ നായര്‍ ഇന്ത്യയുടെ പതാകവരച്ച് ഉല്‍ഘാടനം ചെയ്തു.

മതസൗഹാര്‍ദ്ദം എന്നവിഷയത്തെ ആസ്പദമാക്കി നടത്തിയ ഫോട്ടോ ഗ്രാഫി മത്സരത്തില്‍ വിജയികളായ സ്‌നേഹ ആര്‍. കെ., വി. എസ്. ഗുരുദത്ത്, ശരത്കുമാര്‍ എന്നിവര്‍ക്ക് സമ്മാനം വിതരണം ചെയ്തു. ചടങ്ങില്‍ യൂണിവേഴ്‌സിറ്റി പരീക്ഷ കണ്‍ട്രോളര്‍ ഡോ. മുരളീധരന്‍ നമ്പ്യാര്‍, ഡോ. ഇഫ്തികാര്‍ അഹമ്മദ്, ഡോ. എലിസബത്ത് മാത്യൂസ്, ഡോ. പ്രതീഷ്, ഡോ. അശ്വതി നായര്‍ എന്നിവര്‍ സംസാരിച്ചു.
Share this article :

Post a Comment

 
Copyright © 2016. Muhimmath - All Rights Reserved