Latest News :
്മഞ്ചേശ്വരം എം എല്‍.എ. പി.ബി. അബ്ദുര്‍റസാഖ് നിര്യാതനായി. കാസര്‍കോട്ടെ സ്വകാര്യാശുപത്രിയില്‍ ശനിയാഴ്ച പുലര്‍ച്ചെയായിരുന്നു അന്ത്യം.
Home » , , , , » 'ഇത് ലോകമെമ്പാടുമുള്ള മുസ്‌ലീങ്ങളെ പ്രകോപിപ്പിക്കും'; ജറുസലേം വിഷയത്തില്‍ ട്രംപിന് സൗദി രാജാവിന്റെ മുന്നറിയിപ്പ്

'ഇത് ലോകമെമ്പാടുമുള്ള മുസ്‌ലീങ്ങളെ പ്രകോപിപ്പിക്കും'; ജറുസലേം വിഷയത്തില്‍ ട്രംപിന് സൗദി രാജാവിന്റെ മുന്നറിയിപ്പ്

Written By Muhimmath News on Wednesday, 6 December 2017 | 10:44
























റിയാദ്: ജറുസലേമിനെ ഇസ്രഈലിന്റെ തലസ്ഥാനമായി അംഗീകരിക്കാനുളള യു.എസ് നീക്കം ലോകമെമ്പാടുമുളള മുസ്‌ലീങ്ങളെ രൂക്ഷമായി പ്രകോപിപ്പിക്കലാകുമെന്ന് സൗദി രാജാവ് സല്‍മാന്‍ ബിന്‍ അബ്ദുലസീസ് അല്‍ സൗഊദ്. യു.എസ് പ്രസിഡന്റ് ഡൊണാള്‍ഡ് ട്രംപുമായുള്ള ഫോണ്‍ സംഭാഷണത്തിലാണ് സൗദി രാജാവ് ഈ മുന്നറിയിപ്പു നല്‍കിയത്.

ഫലസ്തീനിയന്‍ ജനതയുടെ ചരിത്രപരമായ അവകാശത്തെ പിന്തുണയ്ക്കുന്നത് തുടരുമെന്ന് സല്‍മാന്‍ രാജാവ് വ്യക്തമാക്കി. ഒരു ഒത്തുതീര്‍പ്പിലെത്തുന്നതിന് മുമ്പ് ജറുസലേമുമായി ബന്ധപ്പെട്ട് എന്തെങ്കിലും പ്രഖ്യാപനം നടത്തിയാല്‍ അത് ഫലസ്തീന്‍ ഇസ്രഈല്‍ സമാധാന ചര്‍ച്ചകളെ ബാധിക്കുമെന്നും സൗദി രാജാവ് ട്രംപിന് മുന്നറിയിപ്പു നല്‍കി.

ജറുസലേമുമായി ബന്ധപ്പെട്ട എംബസി നീക്കം ലോകമെമ്പാടുമുളള മുസ്‌ലീങ്ങളെ നെഗറ്റീവായി ബാധിക്കുകയും വേദനിപ്പിക്കുകയും ചെയ്യുമെന്നും സൗദി രാജാവ് വ്യക്തമാക്കി.

ജറുസലേമിനെ ഇസ്രഈലിന്റെ തലസ്ഥാനമായി പ്രഖ്യാപിക്കാനുള്ള യു.എസ് നീക്കം മേഖലയില്‍ സംഘര്‍ഷഭരിതമാക്കുമെന്ന് വാഷിങ്ടണിലെ സൗദി അറേബ്യന്‍ അംബാസിഡര്‍ യു.എസിന് മുന്നറിയിപ്പു നല്‍കിയിരുന്നു. ഇതിനു പിന്നാലെയാണ് ട്രംപ് സൗദി രാജാവിനെ ഫോണില്‍ ബന്ധപ്പെട്ടത്.

അതിനിടെ, ജറുസലേം വിഷയത്തില്‍ സൗദിയുടെ നിലപാടിനെ നന്ദി അറിയിച്ചുകൊണ്ട് ഫലസ്തീനിയന്‍ പ്രസിഡന്റ് രംഗത്തുവന്നു. ഫലസ്തീനിയന്‍ ജനതയ്ക്കും അവരുടെ അവകാശത്തിനും വേണ്ടിയുള്ള സൗദി പിന്തുണയാണ് ഇത് കാണിക്കുന്നതെന്നും അദ്ദേഹം വ്യക്തമാക്കി.

Share this article :

Post a Comment

 
Copyright © 2016. Muhimmath - All Rights Reserved