Latest News :
തകര്‍ന്നടിഞ്ഞ് ബിജെപി; രാജസ്ഥാനിലും ഛത്തീസ്ഗഢിലും കോണ്‍ഗ്രസ്; മാറിമറിഞ്ഞ് മധ്യപ്രദേശ്; തെലങ്കാനയില്‍ ടിആര്‍എസ്; മിസോറാമില്‍ എംഎന്‍എഫ്‌
Home » » നിയമസഭ വജ്രജൂബിലി ജില്ലാതല ആഘോഷങ്ങള്‍ക്ക് നീലേശ്വരത്ത് പ്രൗഢഗംഭീര തുടക്കം

നിയമസഭ വജ്രജൂബിലി ജില്ലാതല ആഘോഷങ്ങള്‍ക്ക് നീലേശ്വരത്ത് പ്രൗഢഗംഭീര തുടക്കം

Written By Muhimmath News on Thursday, 4 January 2018 | 19:09



നീലേശ്വേരം: കേരളത്തിന്റെ ആദ്യമുഖ്യമന്ത്രി ഇഎംഎസ് നമ്പൂതിരിപ്പാടിനെ നിയമസഭയിലെത്തിച്ച ചരിത്രമുറങ്ങുന്ന നീലേശ്വരത്ത് നിയമസഭ വജ്രജൂബിലി ആഘോഷങ്ങളുടെ ജില്ലാതല പരിപാടികള്‍ക്ക് പ്രൗഡഗംഭീര തുടക്കം. നിയമസഭാ സെക്രട്ടറിയേറ്റിന്റെയും ജില്ലാ ഭരണകൂടത്തിന്റെയും തദ്ദേശസ്വയഭരണ സ്ഥാപനങ്ങളുടെയും സംയുക്താഭിമുഖ്യത്തില്‍ സംഘടിപ്പിച്ചിരിക്കുന്ന രണ്ടുദിവസത്തെ പരിപാടികള്‍ക്കാണ് തുടക്കമായിരിക്കുന്നത്.


നീലേശ്വരം രാജാസ് ഹയര്‍സെക്കന്‍ഡറി സ്‌കൂളില്‍ വജ്രജൂബിലി ആഘോഷങ്ങളുടെ ഉദ്ഘാടനവും ഇഎംഎസ് സ്മൃതി സംഗമവും നിയമസഭാ സ്പീക്കര്‍ പി.ശ്രീരാമകൃഷ്ണന്‍ ഉദ്ഘാടനം ചെയ്തു. റവന്യുമന്ത്രി ഇ.ചന്ദ്രശേഖരന്‍ അധ്യക്ഷതവഹിച്ചു. ചടങ്ങില്‍ ജില്ലയിലെ മണ്‍മറഞ്ഞ നിയമ സഭാംഗങ്ങള്‍ക്ക് ശ്രദ്ധാഞ്ജലി, മുന്‍ നിയമസഭാംഗങ്ങളെയും സ്വാതന്ത്ര്യ സമരസേനാനികളേയും ആദ്യനിയമസഭാ തെരഞ്ഞെടുപ്പില്‍ മത്സരിച്ച സ്ഥാനാര്‍ഥികളേയും ആദരിച്ചു.


എംഎല്‍എമാരായ കെ.കുഞ്ഞിരാമന്‍, എന്‍.എ നെല്ലിക്കുന്ന്, മുന്‍നിയമസഭാംഗങ്ങളുടെ ഫോറം ജനറല്‍ സെക്രട്ടറി കെ.പി കുഞ്ഞിക്കണ്ണന്‍, ജില്ലാ പഞ്ചായത്ത് പ്രസിഡന്റ് എജിസി ബഷീര്‍, നീലേശ്വരം നഗരസഭാ ചെയര്‍മാന്‍ പ്രെഫ. കെ.പി ജയരാജന്‍, നീലേശ്വരം ബ്ലോക്ക് പഞ്ചായത്ത് പ്രസിഡന്റ് വി.പി ജാനകി എന്നിവര്‍ പങ്കെടുത്തു. എം.രാജഗോപാലന്‍ എംഎല്‍എ സ്വാഗതവും ജില്ലാ കളക്ടര്‍ ജീവന്‍ബാബു.കെ നന്ദിയും പറഞ്ഞു. ഉദ്ഘാടത്തോട് അനുബന്ധിച്ച് വൈകിട്ട് കേരള ഫോക്ലോര്‍ അക്കാദമി അവതരിപ്പിച്ച കലാ സന്ധ്യ നടന്നു.
Share this article :

Post a Comment

 
Copyright © 2016. Muhimmath - All Rights Reserved