Theme Layout

Theme Translation

Trending Posts Display

Home Layout Display

Posts Title Display

മിന്നല്‍ ഹര്‍ത്താലിലുണ്ടായ നഷ്ടം ഡീന്‍ കുര്യാക്കോസില്‍ നിന്ന് ഈടാക്കണമെന്ന് ഹൈക്കോടതി

404

We Are Sorry, Page Not Found

Home Page


കാസര്‍കോട്: ദേശീയ കാര്‍ റാലി ചാമ്പ്യന്‍ പട്ടം അഞ്ചാം തവണയും കരസ്ഥമാക്കിയ മൂസ ഷരീഫ് ചരിത്രത്തിന്റെ താളുകളില്‍ ഒരിക്കല്‍ കൂടി ഇടംപിടിച്ചു. ബംഗളൂരുവില്‍ വെച്ച് നടന്ന എഫ്.എം എസ് സി ഐ ദേശീയ കാര്‍ റാലി ചാമ്പ്യന്‍ഷിപ്പ് 2017ന്റെ അന്തിമ റൗണ്ടിലും തിളക്കമാര്‍ന്ന വിജയം നേടിയാണ് മൂസാ ഷരീഫ് ഈ അപൂര്‍വ നേട്ടം കൈവരിച്ചത്.


അതിവേഗറൗണ്ടടക്കമുള്ള 6 സ്റ്റേജുകള്‍ 55 മിനുട്ടും 41 സെക്കന്റും കൊണ്ട് പൂര്‍ത്തീകരിച്ചായിരുന്നു ഈ മിന്നും വിജയം.രണ്ടാം സ്ഥാനത്തെത്തിയ ഡീന്‍ മസ്‌കരനാസ്ശ്രുപ്ത പതിവാള്‍ സഖ്യത്തിന് കാര്യമായ ഭീഷണിയുയര്‍ത്താനായില്ല. നേരത്തെ കോയമ്പത്തൂര്‍, ജയ്പൂര്‍, ചിക്കമഗളൂരു , അരുണാചല്‍ പ്രദേശ് എന്നിവിടങ്ങളിലായി നടന്ന 4 റൗണ്ടുകളിലും മികച്ച വിജയം നേടിയ മൂസാ ഷരീഫ് പോയിന്റ് നിലയില്‍ ബഹുദൂരം മുന്നിലായിരുന്നു. ഇന്ത്യയിലെ ഒന്നാം നമ്പര്‍ റാലി ഡ്രൈവര്‍ ഡല്‍ഹി സ്വദേശിയായ ഗൗരവ് ഗില്ലിനോടൊപ്പം ചേര്‍ന്ന് മഹീന്ദ്രാ അഡ്‌വെഞ്ചേഴ്‌സിന് വേണ്ടി കളത്തിലിറങ്ങിയാണ് ഷരീഫ് ചരിത്രത്തിലേക്ക് നടന്നു കയറിയത്.

ഇതിനു മുമ്പ് 2007 ,2009 , 2011 , 2014 വര്‍ഷങ്ങളിലായി മൂസാ ഷരീഫ് നാല് പ്രാവശ്യം ദേശീയ ചാമ്പ്യന്‍ പട്ടം നേടിയപ്പോഴും ഗൗരവ് ഗില്‍ തന്നെയായിരുന്നു കൂട്ടാളി. ഇതിനു പുറമെ ഒരു തവണ ഇന്ത്യന്‍ റാലി ചാമ്പ്യന്‍ പട്ടവും, ഇന്ത്യന്‍ നാഷണല്‍ എസ് യു വി ചാമ്പ്യന്‍ പട്ടവും മൂസാ ഷരീഫ് നേടിയിട്ടുണ്ട്.


ദേശീയ തലത്തില്‍ മുപ്പതാം കാര്‍ റാലി വിജയം നേടിയ ഷരീഫ്-ഗില്‍ സഖ്യം ഇന്ത്യന്‍ റാലി മേഖലയിലെ 'ഭാഗ്യജോടികള്‍'എന്നാണറിയപ്പെടുന്നത്.

ലിംക ബുക്ക്‌സ് ഓഫ് റെക്കോര്‍ഡ്‌സില്‍ ഇതിനകം തന്നെ ഇടം നേടിയ ഇന്ത്യയിലെ ഒന്നാം നമ്പര്‍ നാവിഗേറ്ററും 46 കാരനുമായ മൂസാ ഷരീഫും, സാഹസികതയുടെ തോഴനായ 35 കാരന്‍ ഗൗരവ് ഗില്ലും ഇന്ത്യന്‍ കാര്‍ റാലി സര്‍ക്യൂട്ടിലെ അജയ്യശക്തിയായി മാറിയിരിക്കുകയാണ്.

മൊഗ്രാല്‍ പെര്‍വാഡ് സ്വദേശിയായ മൂസാ ഷരീഫിന്റെ ഈ ഉജ്ജ്വല നേട്ടം കേരളത്തിനും വിശിഷ്യാ കാസറഗോഡിനും ഒന്നടങ്കം അഭിമാനിക്കാന്‍ വകനല്‍കുന്നതാണ്.നാടിന്റെ അഭിമാനവും യശസ്സും വാനോളമുയര്‍ത്തിയ ഈ പ്രതിഭയ്ക്ക് ഗംഭീരമായ പൗരസ്വീകരണം ഒരുക്കാനുള്ള തയ്യാറെടുപ്പിലാണ് മൊഗ്രാലിലെ കായിക പ്രേമികള്‍.
Leave A Reply