Latest News :
്മഞ്ചേശ്വരം എം എല്‍.എ. പി.ബി. അബ്ദുര്‍റസാഖ് നിര്യാതനായി. കാസര്‍കോട്ടെ സ്വകാര്യാശുപത്രിയില്‍ ശനിയാഴ്ച പുലര്‍ച്ചെയായിരുന്നു അന്ത്യം.
Home » , , » കര്‍ണാടക കോണ്‍ഗ്രസ് സ്ഥാനാര്‍ത്ഥി പട്ടികയില്‍ എന്‍.എ ഹാരിസും: ശാന്തിനഗറില്‍ ഇത് മൂന്നാമൂഴം

കര്‍ണാടക കോണ്‍ഗ്രസ് സ്ഥാനാര്‍ത്ഥി പട്ടികയില്‍ എന്‍.എ ഹാരിസും: ശാന്തിനഗറില്‍ ഇത് മൂന്നാമൂഴം

Written By Muhimmath News on Friday, 20 April 2018 | 12:32

ബെംഗളൂരു: കര്‍ണാടക നിയമസഭാ തെരഞ്ഞെടുപ്പിനുള്ള കോണ്‍ഗ്രസ് സ്ഥാനാര്‍ത്ഥി പട്ടികയില്‍ ശാന്തിനഗര്‍ എം.എല്‍.എ എന്‍.എ ഹാരിസും ഇടംപിടിച്ചു. ശാന്തിനഗര്‍ നിയോജക മണ്ഡലത്തില്‍ നിന്നായിരിക്കും ഇത്തവണയും എന്‍.എ ഹാരിസ് മത്സരിക്കുക. മൂന്നാം തവണയാണ് എന്‍.എ ഹാരിസ് ജനവിധി തേടുന്നത്. 

കോണ്‍ഗ്രസ് കര്‍ണാടകയില്‍ അധികാരത്തിലേറിയാല്‍ മന്ത്രി സ്ഥാനം പ്രതീക്ഷിക്കാവുന്ന നേതാവ് കൂടിയാണ് ഹാരിസ്. വളരെയേറെ വിജയസാധ്യത കല്‍പിക്കപ്പെടുന്ന സ്ഥാനാര്‍ത്ഥികളിലൊരാള്‍ കൂടിയായ ഹാരിസ് ഒട്ടനവധി ജനക്ഷേമ പ്രവര്‍ത്തനങ്ങള്‍ നടപ്പിലാക്കിയ വന്‍ ജനപിന്തുണയുള്ള നേതാവ് കൂടിയാണ്. 

കര്‍ണാടകയിലെ മികച്ച നിയമസഭാ സാമാജികനുള്ള സംസ്ഥാന സര്‍ക്കാരിന്റെ അംഗീകാരവും ലഭിച്ച ഹാരിസ് പഴയ കോണ്‍ഗ്രസ് നേതാവ് എന്‍.എ മുഹമ്മദിന്റെ മകനാണ്. 

മണ്ഡലത്തില്‍ സ്ഥാനാര്‍ത്ഥി നിര്‍ണയം പൂര്‍ത്തിയായതോടെ വലിയ രീതിയിലുള്ള പ്രചാരണ പ്രവര്‍ത്തനങ്ങള്‍ക്ക് കോണ്‍ഗ്രസ് കമ്മിറ്റി തയാറെടുപ്പുകള്‍ നടത്തിവരികയാണ്. മേയ് 12നാണ് കര്‍ണാടകയില്‍ നിയമസഭ തെരഞ്ഞെടുപ്പ് നടക്കുന്നത്. 

Share this article :

Post a Comment

 
Copyright © 2016. Muhimmath - All Rights Reserved