രാജപുരം: പാണത്തൂര്‍ പുഴയില്‍ കുളിക്കാന്‍ ഇറങ്ങിയ യുവാവ് മുങ്ങിമരിച്ചു.
പാണത്തൂരിലെ സി.എം. റസാക്കിന്റെയും ആയിഷയുടെയും മകന്‍ ഷഫീഖ് (23)ആണ് മുങ്ങിമരിച്ചത്. ഇന്നലെ വൈകിട്ട് സുഹൃത്തുക്കള്‍ക്കൊപ്പം ഫുട്‌ബോള്‍ കളിച്ച് 7മണിയോടെ ഷെരീഫ് പാണത്തൂര്‍ പുഴയില്‍ കുളിക്കാന്‍ പോയതായിരുന്നു.
ഏറെ നേരം കഴിഞ്ഞിട്ടും തിരിച്ചെത്താതിരുന്നതിനെ തുടര്‍ന്ന് വീട്ടുകാര്‍ അന്വേഷിച്ചുചെന്നപ്പോഴാണ് പുഴയില്‍ മുങ്ങി മരിച്ചനിലയില്‍ കണ്ടത്. മൃതദേഹം പോസ്റ്റ്‌മോര്‍ട്ടത്തിനായി ജില്ലാ ആസ്പത്രിമോര്‍ച്ചറിയിലേക്ക് മാറ്റി. സഹോദരങ്ങള്‍: മുഹമ്മദ് സാഹിര്‍, സൈഫുദ്ദീന്‍, ഷാസിറ.