Latest News :
ആന്ധ്രാ എംഎല്‍എയെയും മുന്‍ ടിഡിപി എംഎല്‍എയും മാവോയിസ്റ്റുകള്‍ വെടിവച്ച് കൊലപ്പെടുത്തി
Home » , , , » റമളാന്‍ മാസത്തില്‍ ക്രിമിനലുകള്‍ യാചകവേഷത്തില്‍ കേരളത്തിലേക്ക് വരുന്നുവെന്ന് പോലീസിന്റെ പേരില്‍ വ്യാജപ്രചരണം

റമളാന്‍ മാസത്തില്‍ ക്രിമിനലുകള്‍ യാചകവേഷത്തില്‍ കേരളത്തിലേക്ക് വരുന്നുവെന്ന് പോലീസിന്റെ പേരില്‍ വ്യാജപ്രചരണം

Written By Muhimmath News on Wednesday, 9 May 2018 | 21:08


കൊല്ലം: റമളാന്‍ കാലമായതിനാല്‍ യാചകവേഷത്തില്‍ ഉത്തരേന്ത്യയില്‍ നിന്ന് ക്രിമിനല്‍ സംഘങ്ങള്‍ എത്തുമെന്നും പൊതുജനം ജാഗ്രതപാലിക്കണമെന്നും പോലീസിന്റെ പേരില്‍ പ്രചരിക്കുന്ന സന്ദേശം വ്യാജമാണെന്ന് പോലീസ്. ഇത്തരത്തിലുള്ള ഒരു സന്ദേശവും കേരളാ പോലീസ് നല്‍കിയിട്ടില്ലെന്ന് ഇന്‍ഫര്‍മേഷന്‍ സെന്റര്‍ ഡെപ്യൂട്ടി ഡയറക്ടര്‍ പി എസ് രാജശേഖരന്‍ അറിയിച്ചു.


വ്യാജ സന്ദേശത്തെ കുറിച്ച് അന്വേഷണം ആരംഭിച്ചിട്ടുണ്ട്. പ്രതികളെ എത്രയും പെട്ടെന്ന് പിടികൂടുമെന്നും ജനങ്ങള്‍ പരിഭ്രാന്തരാകേണ്ട ആവശ്യമില്ലെന്നും കൊല്ലം ഈസ്റ്റ് പോലീസ് അറിയിച്ചു. സംഭവത്തില്‍ കേസെടുത്ത് അന്വേഷണം ആരംഭിക്കാന്‍ നേരത്തെ ഡി ജി പി ലോക്‌നാഥ് ബെഹ്‌റ കൊല്ലം സിറ്റി പോലീസ് കമ്മീഷണര്‍ക്ക് നിര്‍ദ്ദേശം നല്‍കിയിരുന്നു.

കേരള പോലീസ് ലെറ്റര്‍ പാഡ് പോലോത്ത പേപ്പറിലാണ് സന്ദേശമുള്ളത്. പോലീസിന്റെ സീലും ലോഗോയും ഉണ്ട്. പക്ഷെ സീലില്‍ കൊടുത്തിട്ടുള്ള തീയതി 16.08.2018 എന്നാണ്. ഒറ്റ നോട്ടത്തില്‍ പോലീസിന്റെ ലെറ്റര്‍ പാഡാണെന്ന് തോന്നിപ്പിക്കുമെങ്കിലും സൂക്ഷ നിരീക്ഷണത്തില്‍ തീയതിയിലെ പ്രശ്‌നം കണ്ടെത്തിയാല്‍ വ്യാജമെന്ന് ഉറപ്പിക്കാം.

വാട്‌സ്ആപ്പിലൂടെ ലഭിക്കുന്ന സന്ദേശങ്ങള്‍ മുന്‍പിന്‍ നോക്കാതെ മറ്റുള്ളവരിലേക്ക് ഷെയര്‍ ചെയ്യാന്‍ തിടുക്കം കൂട്ടുന്നതുമൂലമാണ് ഇത്തരം അമളികള്‍ പിണയുന്നത്. വര്‍ഷങ്ങള്‍ക്ക് മുമ്പേ പ്രചരിച്ചിരുന്ന നിരവധി സന്ദേശങ്ങള്‍ ഇപ്പോഴും സോഷ്യല്‍ മീഡിയയില്‍ കറങ്ങിക്കൊണ്ടിരിക്കുന്നതും ഇതുമൂലമാണ്.
Share this article :

Post a Comment

 
Copyright © 2016. Muhimmath - All Rights Reserved