Latest News :
ആക്ടിവിസ്റ്റുകളുടെ ശക്തി തെളിയിക്കാനുള്ള ഇടമല്ല ശബരിമല; യുവതികളുമായി മടങ്ങാന്‍ പൊലീസിന് ദേവസ്വം മന്ത്രിയുടെ നിര്‍ദേശം
Home » , , » സ്‌കൂള്‍ വിട്ട് കളിക്കാന്‍ പോയ 16കാരന്‍ മണലെടുത്ത കുഴിയിലെ വെള്ളക്കെട്ടില്‍ വീണു മരിച്ചു

സ്‌കൂള്‍ വിട്ട് കളിക്കാന്‍ പോയ 16കാരന്‍ മണലെടുത്ത കുഴിയിലെ വെള്ളക്കെട്ടില്‍ വീണു മരിച്ചു

Written By Muhimmath News on Monday, 16 July 2018 | 21:43



തൃക്കരിപ്പൂര്‍: സ്‌കൂള്‍ വിട്ട് കളിക്കാന്‍ പോയ 16കാരന്‍ മണലെടുത്ത കുഴിയിലെ വെള്ളക്കെട്ടില്‍ വീണു മരിച്ചു. തൃക്കരിപ്പൂര്‍ മാച്ചിക്കാട് പൊയ്യക്കരയിലെ എം ടി പി മുസ്തഫയുടെ മകന്‍ ടി പി മുഷ്‌റഫ് (16) ആണ് മരിച്ചത്. തിങ്കളാഴ്ച വൈകീട്ട് ആറ് മണിയോടെയാണ് സംഭവം.

വെള്ളക്കെട്ടില്‍ ചെളിയില്‍ താണുപോയ വിദ്യാര്‍ത്ഥിയെ പുറത്തെടുത്ത് തൃക്കരിപ്പൂര്‍ ആശുപത്രിയിലും നില ഗുരുതരമായതിനാല്‍ പരിയാരം മെഡിക്കല്‍ കോളേജിലേക്കും കൊണ്ടുപോവുകയായിരുന്നു. അപ്പോഴേക്കും മരിച്ചിരുന്നു. ചന്തേരയില്‍ താമസിക്കുന്ന മുസ്തഫയുടെ കുടുംബം ബന്ധുവിന്റെ കല്യാണത്തില്‍ പങ്കെടുക്കാന്‍ ആയിറ്റിയിലെ തറവാട് വീട്ടില്‍ എത്തിയതായിരുന്നു മഷ്‌റഫ്.

മണലെടുത്ത കുഴിയില്‍ നിറഞ്ഞ വെള്ളത്തില്‍ സുഹൃത്തിന്റെ കൂടെ കുളിക്കാന്‍ ഇറങ്ങിയപ്പോള്‍ ചെളിയില്‍ താണുപോവുകയായിരുന്നു. ആയിറ്റിയിലെ രതീഷ് ആണ് വെള്ളത്തില്‍ ഇറങ്ങി കുട്ടിയെ രക്ഷിച്ചു ആശുപത്രിയില്‍ എത്തിച്ചത്. എന്നാല്‍ ജീവന്‍ രക്ഷിക്കാനായില്ല. മൃതദേഹം പരിയാരം മെഡിക്കല്‍ കോളേജ് മോര്‍ച്ചറിയിലേക്ക് മാറ്റി. പിലിക്കോട് ഗവ. ഹയര്‍ സെക്കണ്ടറി സ്‌കൂളിലെ ഒമ്പതാം തരം വിദ്യാര്‍ത്ഥിയാണ്.മാതാവ് : ടി പി സുലൈഖ.  സഹോദരങ്ങള്‍: മുബഷിര്‍, മുഹമ്മദ്, ഇബ്‌റാഹിം.

വിവരമറിഞ്ഞ് ചന്തേര എസ്‌ഐയുടെ നേതൃത്വത്തിലുള്ള പോലീസ് സംഘം സ്ഥലത്തെത്തി അന്വേഷണമാരംഭിച്ചു.

Share this article :

Post a Comment

 
Copyright © 2016. Muhimmath - All Rights Reserved