Saturday, 21 July 2018

ഏഴ് മാസം പ്രായമുള്ള പെണ്‍കുട്ടിയെ പീഡിപ്പിച്ച 19കാരന് വധശിക്ഷ


ജയ്പൂര്‍: ഏഴ് മാസം പ്രായമുള്ള പെണ്‍കുട്ടിയെ പീഡിപ്പിച്ച 19കാരന് വധശിക്ഷ. രാജസ്ഥാനിലെ കോടതിയാണ് ശിക്ഷ വിധിച്ചത്. 12 വയസില്‍ താഴെയുള്ള പെണ്‍കുട്ടികളെ പീഡിപ്പിക്കുന്നവര്‍ക്ക് വധശിക്ഷ നല്‍കാന്‍ വ്യവസ്ഥ ചെയ്തുകൊണ്ടുള്ള നിയമഭേദഗതി രാജസ്ഥാന്‍ നിയമസഭ പാസാക്കിയതിന് ശേഷം ഇതാദ്യമായാണ് ഒരാള്‍ക്ക് പരമാവധി ശിക്ഷ വിധിക്കുന്നത്. കഴിഞ്ഞ മാര്‍ച്ചിലായിരുന്നു നിയമഭേദഗതി പാസാക്കിയത്.


മെയ് ഒമ്പതിനാണ് കേസിനാസ്പദമായ സംഭവമുണ്ടായത്. സംഭവ ദിവസം രക്ഷിതാക്കളില്ലാത്ത സമയത്ത് ബന്ധുവിനൊപ്പം ഉണ്ടായിരുന്ന പെണ്‍കുട്ടിയെ വീട്ടില്‍ നിന്ന് എടുത്ത് കൊണ്ടുപോയി പീഡിപ്പിക്കുകയായിരുന്നു. പീഡനത്തെ തുടര്‍ന്ന് 20 ദിവസം പെണ്‍കുട്ടി അല്‍വാറിലെ ആശുപത്രിയില്‍ ചികിത്സയിലായിരുന്നു. വൈദ്യ പരിശോധനയിലാണ് പെണ്‍കുട്ടി പീഡനത്തിനിരയായെന്ന് വ്യക്തനായത്.


അതിവേഗ കോടതിയിലായിരുന്നു കേസിന്റെ വിചാരണ നടന്നത്. മധ്യപ്രദേശിന് ശേഷം 12 വയസില്‍ താഴെയുള്ള പെണ്‍കുട്ടികളെ ബലാത്സംഗത്തിനിരയാക്കുന്നവര്‍ക്ക് വധശിക്ഷ വിധിക്കാനുള്ള നിയമഭേദഗതി കൊണ്ടുവന്ന സംസ്ഥാനമാണ് രാജസ്ഥാന്‍.

SHARE THIS

Author:

0 التعليقات: