Theme Layout

Theme Translation

Trending Posts Display

Home Layout Display

Posts Title Display

പോലീസില്‍ കൂട്ട സ്ഥലംമാറ്റം; കാസര്‍കോട് എസ് പി യായി ജെയിംസ് ജോസഫിനെ നിയോഗിച്ചു; ഡോ എ ശ്രീനിവാസ കണ്ണൂര്‍, കാസര്‍കോട് ക്രൈംബ്രാഞ്ച് മേധാവി

404

We Are Sorry, Page Not Found

Home Page

അബുദാബി: ഇന്ത്യയിലെ ദക്ഷിണേന്ത്യന്‍ സംസ്ഥാനങ്ങളുമായി ബന്ധം കൂടുതല്‍ ഊഷമളമാക്കുന്നതിന്റെ ഭാഗമായി തെലുങ്കാനയുടെ തലസ്ഥാനമായ ഹൈദരാബാദില്‍ യു എ ഇ പുതിയ കോണ്‍സുലേറ്റ് ഓഫീസ് തുറക്കും. 
യു എ ഇ യുടെ മൂന്നാമത് കോണ്‍സലേറ്റ് ഓഫീസാണ് ഹൈദരാബാദില്‍ തുടങ്ങുന്നത്. യു എ ഇ വിദേശകാര്യ മന്ത്രി ശൈഖ് അബ്ദുല്ല ബിന്‍ സായിദ് അല്‍ നഹ്‌യാനും, തെലുങ്കാന മുഖ്യമന്ത്രി കെ ചന്ദ്രശേഖര റാവും തമ്മില്‍ നടത്തിയ കൂടിക്കഴ്ചയിലാണ് തെലങ്കാനയുടെ തലസ്ഥാനമായ ഹൈദരാബാദില്‍ പുതിയ യു എ ഇ കോണ്‍സുലേറ്റ് തുറക്കാന്‍ തീരുമാനിച്ചത്. ഇന്ത്യയുമായി ഉപയകക്ഷി ബന്ധം കൂടുതല്‍ ദൃഢമാക്കാന്‍ യു എ ഇ  ആഗ്രഹിക്കുന്നതായി ചര്‍ച്ചയില്‍ ശൈഖ് അബ്ദുല്ല വ്യക്തമാക്കി. യു എ ഇയും ദക്ഷിണേന്ത്യന്‍ സംസ്ഥാനങ്ങളും തമ്മിലുള്ള ബന്ധം മെച്ചപ്പെടുത്തുന്നതിനുള്ള വഴികളെക്കുറിച്ച് ഇരുവരും ചര്‍ച്ച ചെയ്തു. 


ഹൈദരാബാദിലെ  കോണ്‍സുലേറ്റ് ജനറല്‍ ഉടന്‍ തുടങ്ങുമെന്നും,  രണ്ട് സൗഹൃദ രാജ്യങ്ങള്‍ തമ്മിലുള്ള ബന്ധം ശക്തമാക്കാനുള്ള ശ്രമത്തിലാണ് യു എ ഇ എന്നും  പുതിയ കോണ്‍സുലേറ്റ് തുറക്കുന്നതിന് ആവശ്യമായ സജ്ജീകരണത്തിന് അനുമതി ലഭിച്ചതായും ശൈഖ് അബ്ദുല്ല വ്യക്തമാക്കി. വ്യാഴാഴ്ചയാണ് ശൈഖ് അബ്ദുല്ലയും, കെ ചദ്രശേഖരറാവും തമ്മില്‍ കൂടിക്കാഴ്ച നടത്തിയത്. കോണ്‍സുലേറ്റ് കെട്ടിട നിര്‍മ്മാണത്തിനായി സ്ഥലം വിട്ടുകൊടുക്കാന്‍ സംസ്ഥാന ചീഫ് സെക്രട്ടറിയോട് മുഖ്യമന്ത്രി നിര്‍ദേശിച്ചു. ഹൈദരാബാദില്‍ യു എ ഇ കോണ്‍സുലേറ്റ് ഓഫീസ് സ്ഥാപിക്കാനുള്ള ശൈഖ് അബ്ദുല്ലയുടെ നിര്‍ദ്ദേശം മുഖ്യമന്ത്രിക്ക് സന്തോഷമായതായി മുഖ്യമന്ത്രിയുടെ ഓഫീസ് പുറത്തിറക്കിയ പ്രസ്താവനയില്‍ വ്യക്തമാക്കി. കോണ്‍സുലേറ്റ് തുറക്കുന്നതോടെ സംസ്ഥാന സര്‍ക്കാരും യു എ ഇയും തമ്മിലുള്ള ഉഭയകക്ഷി ബന്ധം കൂടുതല്‍ മെച്ചപ്പെടും മുഖ്യമന്ത്രിയുടെ ഓഫീസ് അറിയിച്ചു. വിവിധ മേഖലകളില്‍ തെലുങ്കാന സംസ്ഥാനം നേടിയ പുരോഗതിയെ ശൈഖ് അബ്ദുല്ല പ്രശംസിച്ചതായി മുഖ്യമന്ത്രി ഓഫീസ് അറിയിച്ചു.

യു എ ഇ അംബാസഡര്‍ ഡോ അഹമ്മദ് അബ്ദുള്‍ റഹ്മാന്‍ അല്‍ബന്ന, കേരളത്തിലെ ഇന്ത്യന്‍ കോണ്‍സുലേറ്റ് ജനറല്‍ ജമാല്‍ അല്‍ സാബി എന്നിവര്‍ യോഗത്തില്‍ പങ്കെടുത്തു.  

Leave A Reply