Latest News :
...
Home » , , , , , , , » മഴക്കെടുതി: ദുരിതമനുഭവിക്കുന്നവരെ സഹായിക്കാന്‍ മുന്നിട്ടിറങ്ങുക- കാന്തപുരം

മഴക്കെടുതി: ദുരിതമനുഭവിക്കുന്നവരെ സഹായിക്കാന്‍ മുന്നിട്ടിറങ്ങുക- കാന്തപുരം

Written By Muhimmath News on Thursday, 9 August 2018 | 17:03


കോഴിക്കോട്: കനത്ത മഴയെ തുടര്‍ന്ന് സംസ്ഥാനത്തൊട്ടാകെ നാശം നേരിടുന്ന സാഹചര്യത്തില്‍ ദുരിതമനുഭവിക്കുന്നവരെ സഹായിക്കാന്‍ മുന്നിട്ടിറങ്ങണമെന്ന് കാന്തപുരം എപി അബൂബക്കര്‍ മുസ്‌ലിയാര്‍. നൂറുകണക്കിന് വീടുകള്‍ വെള്ളത്തിലാണ്. ആയിരങ്ങള്‍ ദുരിതാശ്വാസ കാമ്പുകളില്‍ കഴിയുന്നു. മലയോര പ്രദേശങ്ങള്‍ പലതും വെള്ളത്തിലാണ്. ഈ പ്രയാസകരമായ അവസ്ഥക്ക് ശമനമുണ്ടാകാന്‍ വേണ്ടി അല്ലാഹുവിനോട് ഇരുകരങ്ങളും ഉയര്‍ത്തി വിശ്വാസികള്‍ പ്രാര്‍ത്ഥിക്കുക.


വെള്ളക്കെട്ടുള്ള സ്ഥലങ്ങളില്‍ അനാവശ്യമായി പോകാതിരിക്കുക. സ്വയം സംരക്ഷണവും ചുറ്റുമുള്ളവരുടെ സംരക്ഷണവും കരുതലോടെ നടത്തുക. അല്ലാഹു സാധാരണ നിലയിലേക്ക് പ്രകൃതിയുടെ താളം വേഗത്തില്‍ തിരിച്ചുതരട്ടെയെന്നും കാന്തപുരം ഫേസ്ബുക്കില്‍ കുറിച്ചു.

Share this article :

Post a Comment

 
Copyright © 2016. Muhimmath - All Rights Reserved