Latest News :
മുഹിമ്മാത്ത് സീനിയര്‍ എക്‌സിക്യൂട്ടീവ് മെമ്പര്‍ ബായാര്‍ അബ്ദുല്ല മുസ് ലിയാര്‍ അന്തരിച്ചു
Home » , , » ഇലക്ട്രിക് പോസ്റ്റില്‍ നിന്നും ഷോക്കേറ്റ് തെറിച്ചു വീണ് ലൈന്‍മാന്‍ മരിച്ചു.

ഇലക്ട്രിക് പോസ്റ്റില്‍ നിന്നും ഷോക്കേറ്റ് തെറിച്ചു വീണ് ലൈന്‍മാന്‍ മരിച്ചു.

Written By Muhimmath News on Thursday, 16 August 2018 | 20:03


കാസര്‍കോട്:  ജോലിക്കിടെ ഇലക്ട്രിക് പോസ്റ്റില്‍ നിന്നും ഷോക്കേറ്റ് തെറിച്ചു വീണ് ലൈന്‍മാന്‍ മരിച്ചു. നെല്ലിക്കുന്ന് വൈദ്യുതി സെക്ഷന്‍ ഓഫീസിലെ ലൈന്‍മാന്‍ നീലേശ്വരം കടിഞ്ഞിമൂല സ്വദേശി ഷണ്‍മുഖന്‍ (55)ആണ് മരിച്ചത്. 

വ്യാഴാഴ്ച വൈകിട്ട് മൂന്നു മണിയോടെ മീപ്പുഗിരിയില്‍ ഇലക്ട്രിക് പോസ്റ്റില്‍ കയറി കണക്ഷന്‍ ശരിയാക്കുന്നതിനിടയിലാണ് ഷോക്കേറ്റ് തെറിച്ചുവീണത്. 

ഉടന്‍ തന്നെ കാസര്‍കോട്ടെ സ്വകാര്യാശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. വിവരമറിഞ്ഞ് ഉന്നത ഉദ്യോഗസ്ഥര്‍ സ്ഥലത്തെത്തിയിരുന്നു. മൃതദേഹം വിദഗദ്ധ പോസ്റ്റുമോര്‍ട്ടത്തിനായി പരിയാരം മെഡിക്കല്‍ കോളജ് ആശുപത്രിയിലേക്ക് കൊണ്ടുപോകും. ഭാര്യ: ഉമാവതി. ഏക മകള്‍ ചിന്നു (ഡിഗ്രി വിദ്യാര്‍ത്ഥിനി, പെരിയ കുണിയ ഗവ. കോളജ്).

സഹോദരങ്ങള്‍: തങ്കമണി, സുരേഷ്, മണി, ലീല

Share this article :

Post a Comment

 
Copyright © 2016. Muhimmath - All Rights Reserved