Theme Layout

Theme Translation

Trending Posts Display

Home Layout Display

Posts Title Display

ദേശീയ തലത്തില്‍ എന്‍ഡിഎ കേവല ഭൂരിപക്ഷം കടന്നു; കേരളത്തില്‍ യു.ഡി.എഫിന് ലീഡ്

404

We Are Sorry, Page Not Found

Home Page

























ന്യൂഡല്‍ഹി: നിയമസഭാ തിരഞ്ഞെടുപ്പ് തീയതികള്‍ പ്രഖ്യാപിച്ചതിന് പിന്നാലെ കോണ്‍ഗ്രസിന് ആത്മവിശ്വാസം പകര്‍ന്ന് അഭിപ്രായ സര്‍വെ ഫലം. നിയമസഭാ തിരഞ്ഞെടുപ്പ് നവംബറിലും ഡിസംബറിലുമായി നടക്കാനിരിക്കുന്ന മധ്യപ്രദേശിലും, രാജസ്ഥാനിലും, ചത്തീസ്ഗഢിലും കോണ്‍ഗ്രസ് അധികാരത്തിലെത്തുമെന്ന് എബിപി നടത്തിയ അഭിപ്രായ സര്‍വെ പറയുന്നു. 

രാജസ്ഥാനില്‍ ബി.ജെ.പി തകര്‍ന്നടിയുമെന്നാണ് സര്‍വെ പറയുന്നത്. 200ല്‍ 142 സീറ്റുകള്‍ നേടി കോണ്‍ഗ്രസ് അധികാരം പിടിക്കുമെന്നാണ് പ്രവചനം. 2013ല്‍ രാജസ്ഥാനില്‍ 163 സീറ്റുകള്‍ നേടിയായിരുന്നു ബി.ജെ.പി അധികാരത്തിലേറിയത്. കോണ്‍ഗ്രസിന് 21 സീറ്റുകള്‍ മാത്രമാണ് നേടാനായത്. മറ്റുള്ള പാര്‍ട്ടികള്‍ 16 സീറ്റുകളും നേടി.

മധ്യപ്രദേശില്‍ കോണ്‍ഗ്രസ് 230ല്‍ 122 സീറ്റുകളും ബി.ജെ.പി 108 സീറ്റുകളും നേടുമെന്നാണ് പ്രവചനം. 2013ല്‍ 165 സീറ്റുകള്‍ നേടിയാണ് മധ്യപ്രദേശില്‍ ബി.ജെ.പി അധികാരത്തിലെത്തിയത്. കോണ്‍ഗ്രസ് 58 സീറ്റുകളിലും മറ്റുള്ളവര്‍ 7 സീറ്റുകളിലുമാണ് ഇവിടെ ജയിച്ചത്.

ഛത്തിസഗ്ഡില്‍ 90ല്‍ 47 സീറ്റുകള്‍ കോണ്‍ഗ്രസും 40 സീറ്റുകള്‍ ബി.ജെ.പിയും മറ്റുള്ളവര്‍ 3 സീറ്റുകളും നേടുമെന്നാണ് സര്‍വെ പറയുന്നത്. 2013ല്‍ ഇവിടെ ബി.ജെ.പി 49 സീറ്റുകളില്‍ വിജയിച്ചപ്പോള്‍ കോണ്‍ഗ്രസ് 39 ഇടത്താണ് ജയിച്ചത്. മറ്റുള്ളവര്‍ രണ്ട് സീറ്റുകളും നേടി.

തൊഴിലില്ലായ്മ, കുടിവെള്ളപ്രശ്‌നം, റോഡ് വികസനം തുടങ്ങിയവ ജനങ്ങളെ ബാധിക്കുന്ന പ്രശ്‌നങ്ങളാണ് തെരഞ്ഞെടുപ്പ് വിധിയെ നിര്‍ണയിക്കുകയെന്ന് സര്‍വെ പറയുന്നു. എ.ബി.പി ന്യൂസിന് വേണ്ടി സി വോട്ടറാണ് സര്‍വെ നടത്തിയത്.

Leave A Reply