Thursday, 27 December 2018

കൊച്ചി നാവികസേനാ ആസ്ഥാനത്ത് ഹെലിക്കോപ്ടര്‍ ഹാംഗര്‍ തകര്‍ന്ന് രണ്ട് നാവികര്‍ക്ക് ദാരുണാന്ത്യം

കൊച്ചി: കൊച്ചി നാവികസേനാ ആസ്ഥാനത്തുണ്ടായ അപകടത്തില്‍ ഗുരുതരമായി പരിക്കേറ്റ രണ്ട് നാവികര്‍ക്ക് ദാരുണാന്ത്യം. 

വ്യാഴാഴ്ച രാവിലെ ഒമ്ബത് മണിയോടെ ആസ്ഥാനത്ത് ഹെലിക്കോപ്ടറുകള്‍ സൂക്ഷിക്കുന്ന ഹാംഗറിന്റെ വാതില്‍ പുറത്തേക്ക് പതിച്ചാണ് രണ്ട് നാവികര്‍ക്ക് തലയ്ക്ക് ഗുരുതരമായി പരിക്കേറ്റത്. ഇവരെ ഉടന്‍ തന്നെ നാവികസേനാ ആസ്ഥാനത്തെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. 

അതേസമയം,ഇവരുടെ പേര് വിവരങ്ങളോ അപകടത്തിന്റെ മറ്റ് വിവരങ്ങളോ സേനാവൃത്തങ്ങള്‍ പുറത്ത് വിട്ടിട്ടില്ല. ബന്ധുക്കളെയും മറ്റും വിവരം അറിയിച്ച ശേഷം ഇക്കാര്യം പുറത്ത് പറയാമെന്നാണ് നാവികസേനാ വൃത്തങ്ങള്‍ വ്യക്തമാക്കുന്നത്.


SHARE THIS

Author:

0 التعليقات: