Theme Layout

Theme Translation

Trending Posts Display

Home Layout Display

Posts Title Display

യു.എ.ഇയിലെ ബാങ്കുകളില്‍ മലയാളികളുടെ 1200 കോടി രൂപയുടെ വായ്പ തട്ടിപ്പ്; സി.ബി.ഐ അന്വേഷണം അവശ്യപ്പെട്ട് ബാങ്കുകള്‍ കേരളത്തില്‍

404

We Are Sorry, Page Not Found

Home Page
ന്യൂഡല്‍ഹി: കേന്ദ്ര സര്‍ക്കാര്‍ നയത്തിനെതിരായ ദേശീയ പണിമുടക്കിന് ഇന്ന് അര്‍ദ്ധരാത്രിയോടെ തുടക്കമാകും. 12 ഇന ആവശ്യങ്ങള്‍ ഉന്നയിച്ച് നടക്കുന്ന പണിമുടക്കിന് ആഹ്വാനം നല്‍കിയിരിക്കുന്നത് 10 ഓളം തൊഴിലാളി സംഘടനകളാണ്. അധ്യാപകരും ,ജീവനക്കാരും, മോട്ടോര്‍ തൊഴിലാളികളും, ഫാക്ടറി ജീവനക്കാരും പണിമുടക്കില്‍ പങ്കാളികളാകും. 

രാജ്യത്തെ മുഴുവന്‍ ജീവനക്കാരുടെയും മിനിമം കൂലി 18000 രൂപയാക്കുക, റെയില്‍വേ സ്വകാര്യവല്‍കരണ നീക്കം ഉപേക്ഷിക്കുക, പ്രതിരോധമേഖലയില്‍ വിദേശനിക്ഷേപം അനുവദിക്കാതിരിക്കുക, തൊഴിലെടുക്കുന്നവര്‍ക്ക് മിനിമം 3000 രൂപ പെന്‍ഷന്‍ നല്‍കുക എന്നീ 12 ഇന ആവശ്യങ്ങള്‍ മുന്‍ നിര്‍ത്തി രാജ്യത്തെ തൊഴിലാളികള്‍ ആഹ്വാനം ചെയ്ത പണിമുടക്ക് ചരിത്ര സംഭവമാകുമെന്നാണ് ട്രേഡ് യൂണിയന്‍ സംയുക്ത സമര സമിതിയുടെ ആത്മവിശ്വാസം. 

ഇന്ന് അര്‍ദ്ധരാത്രി ആരംഭിക്കുന്ന പണിമുടക്കിന് സിഐടിയു,ഐന്‍ടിയുസി,എഐടിയുസി,എച്ച് എം എസ്,യുടിയുസി എന്നീവരോടൊപ്പം മുസ്ലീം ലീഗിന്റെ തൊ!ഴിലാളി സംഘടനയായ എസ്ടിയുവും പങ്കെടുക്കുന്നുണ്ട്.

മുന്നോടിയായി സംസ്ഥാനങ്ങളില്‍ ഒരുക്കങ്ങള്‍ തുടങ്ങി. വടക്കുകിഴക്കന്‍ സംസ്ഥാനങ്ങളില്‍നിന്നടക്കം ദ്വിദിന പണിമുടക്കിന് പിന്തുണയുമായി തൊഴിലാളികള്‍ രംഗത്തെത്തി.

ബാങ്കിങ്, പോസ്റ്റല്‍, റെയില്‍വേ തുടങ്ങി സമസ്ത മേഖലയിലും പണിമുടക്ക് പ്രതിഫലിക്കും. ടാക്‌സികളും പൊതുവാഹനങ്ങളും പണിമുടക്കുമെന്ന് ട്രാന്‍സ്‌പോര്‍ട്ട് തൊഴിലാളികളുടെ അഖിലേന്ത്യാ ഏകോപന സമിതി പ്രഖ്യാപിച്ചു. പിന്തുണയുമായി വടക്കുകിഴക്കന്‍ മേഖലയില്‍നിന്ന് നിരവധി സംഘടനകളാണ് രംഗത്തെത്തിയത്. ആള്‍ ഇന്ത്യ പോസ്റ്റല്‍ എംപ്ലോയീസ് യൂണിയന്‍ നാഗാലാന്‍ഡ് ഘടകവും സംയുക്ത സംഘടനയായ അസം മോട്ടോര്‍ വര്‍ക്കേഴ്‌സ് യൂണിയനടക്കമുള്ള സംഘടനകളും പണിമുടക്കിന്റെ ഭാഗമാകും.

സംഘടിതമേഖലയ്‌ക്കൊപ്പം തെരുവുകച്ചവടക്കാര്‍ ഉള്‍പ്പെടെയുള്ള അസംഘടിതമേഖലയിലെ തൊഴിലാളികളും പണിമുടക്കും. കഴിഞ്ഞ വര്‍ഷംമാത്രം 1.1 കോടി പേര്‍ക്ക് തൊഴില്‍ നഷ്ടമായെന്നാണ് സെന്റര്‍ ഫോര്‍ മോണിറ്ററിങ് ഇന്ത്യന്‍ ഇക്കണോമിയുടെ റിപ്പോര്‍ട്ട്. ഇതിനിടെയാണ് കരാര്‍ തൊഴില്‍ സമ്ബ്രദായത്തെ കേന്ദ്ര സര്‍ക്കാര്‍ പ്രോത്സാഹിപ്പിക്കുന്നതെന്ന് വിവിധ സംഘടനകള്‍ ചൂണ്ടിക്കാട്ടുന്നു.

Leave A Reply