Tuesday, 14 May 2019

തിരുവനന്തപുരത്തെ സ്വര്‍ണവേട്ട: ഇടനിലക്കാര്‍ അഭിഭാഷകരുള്‍പ്പെട്ട കൊള്ള സംഘം, ഡി.ആര്‍.ഐ അന്വേഷണം തുടങ്ങി

തിരുവനന്തപുരം: തിരുവനന്തപുരം വിമാനത്താവളത്തില്‍ കഴിഞ്ഞ ദിവസം നടന്ന സ്വര്‍ണക്കടത്തില്‍ ഇടനിലക്കാരില്‍ അഭിഭാഷക സംഘവുമെന്ന് ഡി.ആര്‍.ഐ അന്വേഷണ സംഘം കണ്ടെത്തി. വിമാനത്താവളം വഴി എട്ടര കോടി സ്വര്‍ണം കടത്താന്‍ ശ്രമിച്ച് പിടിയിലായ സുനിലിനെ ദൗത്യം ഏല്‍പ്പിച്ചത് രണ്ട് അഭിഭാഷകരാണ്. 

സുനില്‍ പിടിയിലായത് അറിഞ്ഞതോടെ അഭിഭാഷകര്‍ രക്ഷപ്പെടുകയായിരുന്നു. കണ്ടക്ടറായ സുനില്‍ ഇതിനുമുമ്ബും സ്വര്‍ണക്കടത്ത് നടത്തിയിട്ടുണ്ട്. ഈ സംഘം തലസ്ഥാനത്ത് സജീവമാണെന്നും ഗുണ്ടകളും അഭിഭാഷകരും ഉള്‍പ്പെട്ടതാണ് കൊള്ള സംഘമെന്നും ഡി.ആര്‍.ഐ വ്യക്തമാക്കി. സംഭവത്തില്‍ അഭിഭാഷകര്‍ക്കായുള്ള അന്വേഷണം ഊര്‍ജിതമാക്കി.

ഒമാനില്‍ നിന്ന് 25 കിലോ സ്വര്‍ണവുമായെത്തിയ രണ്ടു പേരെ ഡയറക്ടറേറ്റ് ഒഫ് റവന്യൂ ഇന്റലിജന്‍സാണ് (ഡി.ആര്‍.ഐ) തിരുവനന്തപുരം വിമാനത്താവളത്തില്‍ നിന്ന് കഴിഞ്ഞ ദിവസം പിടികൂടിയത്. പിടികൂടിയ സ്വര്‍ണത്തിന് എട്ട് കോടി രൂപ മൂല്യമുണ്ട്. സംസ്ഥാനത്തെ ഡി.ആര്‍.ഐയുടെ ഏറ്റവും വലിയ സ്വര്‍ണ വേട്ടയാണിത്. ഇന്നലെ രാവിലെ 7.45നെത്തിയ ഒമാന്‍ എയര്‍വേയ്‌സിലാണ് ഇരുവരുമെത്തിയത്. രഹസ്യവിവരത്തിന്റെ അടിസ്ഥാനത്തില്‍ കസ്റ്റംസ് ഹാളില്‍വച്ച് ഇവരെ ഡി.ആര്‍.ഐ ഉദ്യോഗസ്ഥര്‍ കസ്റ്റഡിയിലെടുത്തു. ഒരു കിലോ തൂക്കമുള്ള സ്വര്‍ണ ബാറുകള്‍ കറുത്ത കടലാസില്‍ പൊതിഞ്ഞ് ഹാന്‍ഡ് ബാഗില്‍ ഒളിപ്പിച്ച നിലയിലായിരുന്നു.

രണ്ട് ദിവസം മുമ്ബാണ് സുനില്‍കുമാറും സെറീനയും ദുബായിലേക്ക് പോയത്. അവിടെ നിന്നാണ് സ്വര്‍ണം ലഭിച്ചത്. തുടര്‍ന്ന് ഒമാനിലേക്ക് പോയ ശേഷമാണ് ഇവര്‍ തിരുവനന്തപുരത്തെത്തിയത്. ചോദ്യംചെയ്യലില്‍ ദുബായ് കേന്ദ്രീകരിച്ചുള്ള സ്വര്‍ണക്കടത്ത് മാഫിയയെ കുറിച്ചുള്ള നിര്‍ണായക വിവരങ്ങള്‍ ഡി.ആര്‍.ഐക്ക് ലഭിച്ചെന്നാണ് സൂചന.


SHARE THIS

Author:

0 التعليقات: