Monday, 10 June 2019

കട്ടക്കാലില്‍ ഇന്നോവ കാറും ബൈക്കും കൂട്ടിയിടിച്ച് യുവാവ് മരിച്ചു

കാസര്‍കോട്: കെ എസ് ടി പി റോഡില്‍ കാറിടിച്ച് ബൈക്ക് യാത്രക്കാരന്‍ തല്‍ക്ഷണം മരിച്ചു. കളനാട് അരമങ്ങാനം തൂക്കോച്ചി വളപ്പ് തറവാട്ടിനടുത്തെ വാര്‍പ്പ് ജോലിക്കാരനായ മണി എന്ന മണികണ്ഠന്‍ (40) ആണ് മരിച്ചത്. കളനാട് കട്ടക്കാലില്‍ രാത്രി 10 മണിയോടെയാണ് അപകടമുണ്ടായത്. 

കളനാട് ഭാഗത്ത് നിന്നും കട്ടക്കാല്‍ മേല്‍പ്പറമ്പ് വഴി അരമങ്ങാനത്തേക്ക് പോകുകയായിരുന്ന മണി സഞ്ചരിച്ച കെ എല്‍ 14 എം 8557 നമ്പര്‍ ബൈക്കില്‍ എതിര്‍ദിശയിലൂടെ വന്ന ഡി എല്‍ 4 സി എന്‍ ഇ 3748 നമ്പര്‍ ഇന്നോവ കാര്‍ ഇടിക്കുകയായിരുന്നു. റോഡില്‍ തലയിടിച്ച് വീണ മണി തല്‍ക്ഷണം മരിച്ചു.

പോലീസ് എത്തി ആംബുലന്‍സില്‍ മൃതദേഹം കാസര്‍കോട് ജനറല്‍ ആശുപത്രി മോര്‍ച്ചറിയിലേക്ക് മാറ്റി. 


അരമങ്ങാനത്തെ ചന്ദ്രശേഖരന്റെയും പരേതയായ നാരായണിയുടെയും മകനാണ്. ഭാര്യയും മൂന്ന് മക്കളുമുണ്ട്. സഹോദരങ്ങള്‍: ഗൗരി, ഷീബ, സുമിത്ര, അപ്പാലി.


SHARE THIS

Author:

0 التعليقات: