Wednesday, 27 November 2019

കനകമല ഐ എസ് കേസ് : ഒന്നാം പ്രതി മന്‍സീദ് മുഹമ്മദിന് 14 വര്‍ഷം തടവും പിഴയും ; രണ്ടാം പ്രതിക്ക് 10 വര്‍ഷം ശിക്ഷ


കൊച്ചി: കനകമല ഐ എസ് കേസില്‍ ഒന്നാം പ്രതി കോഴിക്കോട് സ്വദേശി മന്‍സീദ് മുഹമ്മദിന് 14 വര്‍ഷം തടവും പിഴയും കോടതി ശിക്ഷ വിധിച്ചു. രണ്ടാംപ്രതി സ്വാലിഹ് മുഹമ്മദിന് പത്തുവര്‍ഷം തടവും പിഴയും കൊച്ചി എന്‍ഐഎ കോടതി വിധിച്ചു. മൂന്നാം പ്രതി റാഷിദ് അലിക്ക്  7 വര്‍ഷം തടവും പിഴയും, നാലാം പ്രതി എന്‍ കെ റംഷാദിന് റംഷാദിന് മൂന്ന് വര്‍ഷം തടവും പിഴയും കോടതി വിധിച്ചു.

കേസിലെ അഞ്ചാം പ്രതി സഫ് വാന് എട്ടുവര്‍ഷം തടവും പിഴയുമാണ് കോടതി വിധിച്ചത്. എട്ടാംപ്രതി മൊയ്‌നുദ്ദീന് മൂന്നുവര്‍ഷം തടവും പിഴയുമാണ് ശിക്ഷ. ഒന്നാം പ്രതിയായ മന്‍സീദിന് വ്യത്യസ്ത വകുപ്പുകളിലായി 52 വര്‍ഷം തടവാണ് വിധിച്ചത്. എന്നില്‍ തടവ് ഒറ്റത്തവണയായി, 14 വര്‍ഷം അനുഭവിച്ചാല്‍ മതിയാകുമെന്ന് കോടതി അറിയിച്ചു. കേസില്‍ ആറ് പ്രതികളും കുറ്റക്കാരാണെന്ന് കോടതി നേരത്തെ കണ്ടെത്തിയിരുന്നു.

കേസിലെ  ആറാംപ്രതി കുറ്റ്യാടി സ്വദേശി ജാസിമിനെയാണ് കോടതി വെറുതെവിട്ടിരുന്നു. ജാസിമിനെതിരായ കുറ്റം തെളിയിക്കപ്പെട്ടിട്ടില്ലെന്നു വ്യക്തമാക്കിയാണ് കോടതിയുടെ നടപടി. കുറ്റക്കാരാണെന്ന് കണ്ടെത്തിയ ആറുപേര്‍ക്കെതിരെയും കോടതി യുഎപിഎ വകുപ്പും ചുമത്തിയിരുന്നു. ആഗോള ഭീകരസംഘടനയായ ഐഎസുമായി ബന്ധപ്പെട്ട് 2016 ഒക്ടോബറില്‍ കണ്ണൂരിലെ കനകമലയില്‍ ഒത്തുചേര്‍ന്ന് ആക്രമണത്തിന് ഗൂഢാലോചന നടത്തി എന്നതാണ് കേസ്. രാജ്യദ്രോഹകുറ്റം, ഗൂഢാലോചന, യു.എ.പി.എ.യിലെ വിവിധ വകുപ്പുകള്‍ എന്നിവ പ്രകാരമാണ് എന്‍.ഐ.എ. കുറ്റപത്രം സമര്‍പ്പിച്ചത്.കേസില്‍ 70 സാക്ഷികളെ വിസ്തരിച്ചു.


SHARE THIS

Author:

0 التعليقات: