Thursday, 30 April 2020

60 മുസ്‌ലിം കുടുംബങ്ങള്‍ക്ക് ഇഫ്താര്‍ കിറ്റ്, 20 അമുസ്‌ലിം കുടുംബങ്ങള്‍ക്ക് ഭക്ഷ്യവസ്തുക്കള്‍, മാതൃകയായി എസ് വൈ എസ് സാന്ത്വനം

മഞ്ചേശ്വരം: ലോക്ക് ഡൗണ്‍ മൂലം കഷ്ടതയനുഭവിക്കുന്ന പുരുഷങ്കോടിയിലെ 60 ലേറെ കുടുംബങ്ങള്‍ക്ക് നോമ്പുകാലത്തെ ഇഫ്താര്‍ വിഭവങ്ങള്‍ ദാനം ചെയ്തപ്പോള്‍ 20 അമുസ്ലിം കുടുംബങ്ങള്‍ക്ക് ഭക്ഷ്യവിഭവങ്ങള്‍ കൂടി നല്‍കി മാതൃകയായി പുരുഷങ്കോടി യൂണിറ്റ്  എസ് വൈ എസ് സാന്ത്വനം. 60 ലേറെ കുടുംബങ്ങള്‍ക്കാണ് ഇഫ്താറിനുള്ള മുഴുവന്‍ ഭക്ഷ്യവസ്തുക്കളും എസ് വൈ എസ്, കേരള മുസ്ലിം ജമാഅത്ത്, എസ് എസ് എഫ് പ്രവര്‍ത്തകര്‍ വീടുകളിലേക്ക് എത്തിച്ചത്. അതോടൊപ്പം പ്രദേശത്തെ അമുസ്ലിം വീടുകളും കണ്ടെത്തി അവര്‍ക്കാവശ്യമായ ഭക്ഷണ വിഭവങ്ങളും എത്തിക്കുകയായിരുന്നു. 

കോവിഡ് കാലത്ത് വീട്ടുമുറ്റത്തേക്ക് അരിയും മറ്റു ധാന്യങ്ങളുമടക്കം എത്തിയപ്പോള്‍ നാട്ടുകാര്‍ക്ക് ഏറെ ആശ്വാസം പകര്‍ന്നു. മഞ്ചേശ്വരം സോണിലെ 47 യൂനിറ്റുകളിലായി 2000 ലേറെ പാവങ്ങള്‍ക്ക് 1000 രൂപയുടെ ഭക്ഷണ കിറ്റുകള്‍ ചെയ്തുവരുന്നു. കേരള മുസ്ലിം ജമാഅത്ത് യൂനിറ്റ് പ്രസിഡന്റ് ഹമീദ് സഖാഫി പ്രാര്‍ഥന നടത്തി. വൊര്‍ക്കാടി സര്‍ക്കിള്‍ സെക്രട്ടറി ഫാറൂഖ് പുരുഷങ്കോടി ഉദ്ഘാടനം ചെയ്തു. സിദ്ദീഖ് പാടി, സിദ്ദീഖ് പുരുഷങ്കോടി, ഖലീല്‍ പാടി, ഖാലിദ് പി പി എച്ച്, മുഹമ്മദ് ഹാജി, നൗഫല്‍, സമീര്‍, ഖാലിദ്, അമീര്‍, റസാഖ് പ്രസംഗിച്ചു.


SHARE THIS

Author:

0 التعليقات: