Friday, 15 May 2020

500 പേര്‍ക്ക് ഭക്ഷണകിറ്റ്, 100പേര്‍ക്ക് മരുന്ന് സാന്ത്വന രംഗത്ത് താങ്ങായി കാസര്‍കോട് ബദര്‍ ചാരിറ്റി

നെല്ലിക്കട്ട: കോവിഡ് പ്രതിസന്ധിയില്‍ ദുരിതത്തിലായ കുടുംബങ്ങള്‍ക്ക് സാന്ത്വന സേവനത്തിലൂടെ മാതൃക തീര്‍ക്കുകയാണ് കാസര്‍കോട് ബദര്‍ ചാരിറ്റി. ഇതിനകം 500 ലേറെ കുടുംബങ്ങള്‍ക്ക് ഭക്ഷ്യ കിറ്റ് സൗജന്യമായി നല്‍കി ശ്രദ്ധയമായ ചാരിറ്റിയുടെ കീഴില്‍ നൂറോളം കുടുംബങ്ങള്‍ക്ക് ജീവന്‍രക്ഷാ മരുന്നെത്തിക്കാനും സാധിച്ചതായി ചാറിറ്റി സാരഥി ഫൈസല്‍ നെല്ലിക്കട്ട പറഞ്ഞു,
  
500 രൂപ മുതല്‍ 2000 രൂപ വരെയുള്ള മരുന്നുകള്‍ സൗജന്യമായി നല്‍കിയതിനു പുറമെ മരുന്ന് എത്തിക്കുന്നതിനും സഹായിച്ചു.  

നെല്ലിക്കട്ടയിലെ പാവപ്പെട്ട കുടുംബങ്ങള്‍ക്ക് സാന്ത്വനം നല്‍കുന്നതിന് തുടങ്ങിയ സംവിധാനം പിന്നീട് ജില്ലയുടെ വിവിധ ഭാഗങ്ങളിലേക്ക് സഹായവുമായി കടന്ന് ചെല്ലുകയായിരുന്നു.

അതിഥി തൊഴിലാളികളുടെ ദുരിതമകറ്റാനും രോഗികള്‍ക്ക് ആമ്പുലന്‍സ് സൗകര്യമൊരുക്കാനും സാധിച്ചു. നിരവിധി രോഗികള്‍ക്ക് ഇതിനകം സഹായം നല്‍കി. കുടിവെള്ള സൗകര്യമൊരുക്കാനും കഴിഞ്ഞു.
  
സര്‍ക്കാറിന്റെ വാര്‍ഡ്തല ജാഗ്രതാസമിയംഗവും എസ് വൈ എസ് സാന്ത്വനം വളണ്ടിയര്‍ കൂടിയായ ഫൈസല്‍ നെല്ലിക്കട്ടയുടെ കീഴില്‍  ഒരു കൂട്ടം സാന്ത്വനം വളണ്ടിയര്‍മാര്‍ കര്‍മ രംഗത്തുണ്ട്. റമളാന്‍ കിറ്റ്, പച്ചക്കറി വിഭവം തുടങ്ങിയവയും വിതരണം ചെയ്തു. സാന്ത്വനത്തിന് സഹായകമായി കൂടുതല്‍ ആളുകളിലേക്ക് സഹായമെത്തിക്കാനുള്ള തീരുമാനത്തിലാണ് ഫൈസല്‍ നെല്ലിക്കട്ടയും സാന്ത്വനം സഹ പ്രവര്‍ത്തകരും. 



SHARE THIS

Author:

0 التعليقات: