Saturday, 27 June 2020

മഹാരാഷ്ട്രയില്‍ ഇന്ന് കോവിഡ് സ്ഥിരീകരിച്ചത് 5,318 പേര്‍ക്ക്; 167 പേര്‍ മരിച്ചു

ന്യൂഡല്‍ഹി: കോവിഡ് വ്യാപനം അതിരൂക്ഷമായി തുടരുന്ന മഹാരാഷ്ട്രയില്‍ പുതുതായി 5,318പേര്‍ക്ക് രോഗം സ്ഥിരീകരിച്ചു. 167പേര്‍ മരിച്ചു. 1,59,133പേര്‍ക്കാണ് സംസ്ഥാനത്ത ഇതുവരെ രോഗം സ്ഥിരീകരിച്ചത്.

മുംബൈയില്‍ മാത്രം 1,460 പേര്‍ക്കാണ് പുതുതായി രോഗം സ്ഥിരീകരിച്ചത്. 41പേര്‍ മരിച്ചു. 73,747പേരാണ് മുംബൈയില്‍ ഇതുവരെ അസുഖബാധിതരായത്. 4,282പേര്‍ മരിച്ചു. 27,134പേരാണ് നഗരത്തില്‍ ഇനി ചികിത്സയിലുള്ളത്.

അതേസമയം കോവിഡ് വ്യാപനം ശമനമില്ലാതെ തുടരുന്ന മറ്റൊരു സംസ്ഥാനമായ ഡല്‍ഹിയില്‍ പുതുതായി 2948കേസുകള്‍ റിപ്പോര്‍ട്ട് ചെയ്തു. 66പേരാണ് മരിച്ചത്. 80,188പേര്‍ക്ക് സംസ്ഥാനത്ത് ഇതുവരെ രോഗം ബാധിച്ചിട്ടുണ്ട്. ഇതില്‍ 28,329പേരാണ് ചികിത്സയിലുള്ളത്. 2,558പേര്‍ മരിച്ചു.


SHARE THIS

Author:

0 التعليقات: