Latest News :
Latest Post

സഅദിയ്യ ഓര്‍ഫനേജ് ഫെസ്റ്റ് സ്വാഗത സംഘം രൂപികരിച്ചു

Written By Muhimmath News on Tuesday, 21 April 2015 | 16:27

ദേളി: ജാമിഅ സഅദിയ്യ അറബിയ്യ ഓര്‍ഫനേജ് വിദ്യാര്‍ത്ഥി സമാജമായ ലാസിന്റെ കീഴില്‍ വര്‍ഷം തോറും നടത്തി വരുന്ന ഓര്‍ഫനേജ് ഫെസ്റ്റും നൂറുല്‍ ഉലമ എം എ ഉസ്താദ് അനു്‌സ്മരണവും മെയ് 18,19,20 തീയ്യതികളില്‍ നടക്കും.

പരിപാടിയുടെ വിജയത്തിനായി എസ് എം എ ജില്ലാ സെക്രട്ടറി എസ് എ അബ്ദുല്‍ ഹമീദ് മൗലവി ആലംപാടി ചെയര്‍മാനും സാബിത്ത് ബോവിക്കാനം കണ്‍വീനറും ഉമര്‍ മൗലവി ആലക്കാട് ട്രഷറുമായി 31 അംഗ സ്വാഗത സംഘം രൂപികരിച്ചു.

സഅദിയ്യ സെക്രട്ടറിയേറ്റ് മെമ്പറും ഓര്‍ഫനേജ് പൂര്‍വ്വ വിദ്യാര്‍ത്ഥി സംഘടന പ്രസിഡണ്ടുമായ സയ്യിദ് മുത്ത്‌ക്കോയ തങ്ങള്‍ കണ്ണവം ജാഫര്‍ സ്വാദിഖ് സഅദി എംഎ, മര്‍കസ് ഇംഗ്ലീഷ് മീഡിയം പ്രിന്‍സിപ്പാള്‍ കെ കെ ഖാദര്‍ മാസ്റ്റര്‍, ഡോ. അബൂബക്കര്‍ മുട്ടത്തോടി, (അഡൈ്വസറി ബോര്‍ഡ്),എം.ടി.പി അബ്ദുള്ള മൗലവി, മുഹിയദ്ദീന്‍ സഅദി ,ഇബ്രാഹിം സഅദി മുഗു,ആലിക്കുട്ടി സഖാഫി (വൈസ് ചെയര്‍), സൈഫുള്ളാ മൊഗ്രാല്‍, ഹകീം ബേര്‍ക്ക, സാബിത്ത് തളിപ്പറമ്പ (ജോണ്‍ കണ്‍), അബ്ദുള്ള ബംബ്രാണ(കോ-ഓര്‍ഡിനേറ്റര്‍), ഫിനാന്‍സ് ഫാറൂഖ് ഹുസൈന്‍ കൊടിയമ്മ (ചെയര്‍), അലവിക്കുട്ടി മൗലവി (വൈസ് ചെയര്‍), ഒഫീഷ്യല്‍സ്- സിദ്ദീഖ് പാവൂര്‍, ശമീര്‍ ചട്ടഞ്ചാല്‍, റഫീദ് ഉപ്പള, ഉനൈസ് തളിപ്പറമ്പ. സ്റ്റേജ്, ലൈറ്റ്& സൗണ്ട്- അയ്യൂബ് ഉസ്താദ് വയനാട്, മുനീര്‍ ഉസ്താദ്, അഷ്‌റഫ് മഞ്ചേശ്വരം. ഫുഡ്ഡ് & അകോമഡേഷന്‍- ഹനീഫ ഇച്ചിലങ്കോട്, അഷ്‌റഫ് ബോവിക്കാനം. റിസപ്ഷന്‍ - സ്വലാഹുദ്ദീന്‍ സുള്ള്യ, അബൂബക്കര്‍ പി.എം.പി, ഇല്ല്യാസ് മുട്ടം. പ്രൈസ് - ശിഹാബുദ്ദീന്‍ പരപ്പ, ഹംസ പഴയകടപ്പുറം, ഷരീഫ് എന്‍ മലാര്‍, മുസ്തഫ. ഡിസിപ്ലിന്‍ -അബ്ദുള്ള ബംബ്രാണ, അയ്യൂബ് മൗലവി. മീഡിയാസ് -അതാഉ റഹ്മാന്‍ പഴയകടപ്പുറം, സ്വലാഹുദ്ദീന്‍ സുള്ള്യ, അബൂബക്കര്‍ പി.എം.പി, സുമൈസ്. ജഡ്ജസ് അറേഞ്ച്‌മെന്റ്- അലി സഅദി, ബദ്‌റുദ്ദീന്‍ മലാര്‍.

പ്രസ്തുത പരിപാടി സയ്യിദ് മുത്തുക്കോയ തങ്ങളുടെ അദ്ധ്യക്ഷതയില്‍ അലിക്കുട്ടി സഖാഫി ഉദ്ഘാടനം ചെയ്തു. ലാസ് സെക്രട്ടറി തൗസീഫ് എ.പി. സ്വാഗതവും കണ്‍വീനര്‍ സാബിത്ത് ബോവിക്കാനം നന്ദിയും പറഞ്ഞു.

ദുബൈ കെ.എം.സി.സി കാസര്‍കോട് മണ്ഡലം: സലാം കന്യപ്പാടി പ്രസിഡണ്ട്, പി.ഡി നൂറുദ്ദീന്‍ സെക്രട്ടറി, ഫൈസല്‍ പട്ടേല്‍ ട്രഷറര്‍

ദുബൈ :ദുബൈ കെ.എം.സി.സി കാസര്‍കോട് മണ്ഡലം കമ്മിറ്റിയുടെ പുതിയ മെമ്പര്‍ഷിപ്പ് അടിസ്ഥാനത്തിലുള്ള കൗണ്‍സില്‍ മീറ്റ് ആക്ടിംഗ് പ്രസിഡണ്ട് സലീം ചേരങ്കൈയുടെ അധ്യക്ഷതയില്‍ യു.എ.ഇ കെ.എം.സി.സി നാഷണല്‍ കമ്മിറ്റി ജനറല്‍ സെക്രട്ടറി എളേറ്റില്‍ ഇബ്രാഹിം ഉദ്ഘാടനം ചെയ്തു. ജീവ കാരുണ്യ പ്രവര്‍ത്തനം ഈമാനിന്റെ ഭാഗമാണെന്നും ജീവ കാരുണ്യ രംഗത്ത് ഏറ്റവും വലിയ പ്രവര്‍ത്തനം നടത്തുന്നത് കെ.എം.സി.സി മാത്രമാണെന്നും എളേറ്റില്‍ ഇബ്രാഹിം പറഞ്ഞു.

പ്രവാസ ജീവിതത്തിന്റെ നൊമ്പരങ്ങള്‍ക്കിടയിലും സഹജീവികളെ സംരക്ഷിക്കുന്നതിനോടൊപ്പം സമൂഹത്തിലെ നിലാരംബകര്‍ക്ക് അത്താണിയായി മാറാന്‍ സാധിക്കുന്നത് കെ.എം.സി.സിയുടെ വിജയമാണ്. കാസര്‍കോട് ജനറല്‍ ആശുപത്രിയില്‍ സൗജന്യ ഡയാലിസിസ് യൂണിറ്റ് സ്ഥാപിച്ചും, വീടില്ലാത്തവര്‍ക്ക് ബൈത്തുറഹ് മ നല്‍കിയും, മറ്റു സാമൂഹിക സാംസ്‌കാരിക രംഗങ്ങളില്‍ ശക്തമായ ഇടപെടല്‍ നടത്തിയും ദുബൈ കെ.എം.സി.സി കാസര്‍കോട് മണ്ഡലം കമ്മിറ്റിക്ക് പ്രവര്‍ത്തന രംഗത്ത് വളരെ മുന്നേറാന്‍ സാധിച്ചു എന്നും അദ്ദേഹം അഭിപ്രായപ്പെട്ടു.

സലാം കന്യപ്പാടി സ്വാഗതം പറഞ്ഞു. നൂറുദ്ദീന്‍ ആറാട്ടുകടവ് പ്രവര്‍ത്തന റിപോര്‍ട്ടും ഫൈസല്‍ പട്ടേല്‍ വരവ് ചിലവ് കണക്കും അവതരിപ്പിച്ചു.

2015 2018 വര്‍ഷത്തേക്കുള്ള കമ്മിറ്റി ഭാരവാഹികളെ ഐക്യകണ്‌ഠേന തെരഞ്ഞടുത്തു. പ്രസിഡണ്ട്: സലാം കന്യപ്പാടി, ജനറല്‍ സെക്രട്ടറി: നൂറുദ്ദീന്‍ ആറാട്ടുകടവ്, ട്രഷറര്‍: ഫൈസല്‍ പട്ടേല്‍. വൈസ് പ്രസിഡണ്ടുമാര്‍: സലീം ചേരങ്കൈ, ഇ.ബി അഹമ്മദ് ചെടേക്കാല്‍, ഐ.പി.എം ഇബ്രാഹിം പൈക്ക, അസീസ് കമാലിയ, കരീം മൊഗ്രാല്‍ പുത്തൂര്‍. സെക്രട്ടറിമാര്‍: സത്താര്‍ ആലംപാടി, സിദ്ദീഖ് ചൗക്കി, റഹീം നെക്കര, മുനീഫ് ബദിയടുക്ക, റഹ് മാന്‍ പടിഞ്ഞാര്‍. ഉപദേശക സമിതി ചെയര്‍മാന്‍: യഹ് യ തളങ്കര. വൈസ് ചെയര്‍മാന്‍മാര്‍: ഹസൈനാര്‍ തോട്ടുംഭാഗം, ഹനീഫ് ചെര്‍ക്കള, എരിയാല്‍ മുഹമ്മദ്കുഞ്ഞി, ഗഫൂര്‍ എരിയാല്‍, ഖലീല്‍ പതിക്കുന്നു, സുബൈര്‍ മൊഗ്രാല്‍ പുത്തൂര്‍. റീട്ടേണിംഗ് ഓഫീസറായി ഹംസ തൊട്ടിയും നിരീഷകന്‍മാരായി ടി.ആര്‍ ഹനീഫ്, അയ്യൂബ് ഉറുമി, മുഹമ്മദ് അലി തൃക്കരിപ്പൂരും കൗണ്‍സില്‍ നിയന്ത്രിച്ചു.

യു.എ.ഇ കെ.എം.സി.സി ഉപാധ്യക്ഷന്‍ എം.സി ഹുസൈനാര്‍ ഹാജി എടച്ചാക്കൈ, ദുബൈ കെ.എം.സി.സി പ്രസിഡണ്ട് അന്‍വര്‍ നഹ, ജനറല്‍ സെക്രട്ടറി ഇബ്രാഹിം മുറിച്ചാണ്ടി, ഹസൈനാര്‍ തോട്ടുംഭാഗം, ഹനീഫ ചെര്‍ക്കള, എം.സി മുഹമ്മദ് തൃക്കരിപ്പൂര്‍, ഹംസ തൊട്ടി, അബ്ദുല്ല ആറങ്ങാടി, എരിയാല്‍ മുഹമ്മദ്കുഞ്ഞി, ഹസൈനാര്‍ ബീജന്തടുക്ക, ഗഫൂര്‍ എരിയാല്‍, ഖലീല്‍ പതിക്കുന്നു, സുബൈര്‍ മൊഗ്രാല്‍ പുത്തൂര്‍, ഗഫൂര്‍ പള്ളിക്കാല്‍, ലത്വീഫ് മഠത്തില്‍, സത്താര്‍ നാരംപാടി, നൗഫല്‍ ചേരൂര്‍, ഷാഫി കാസിവളപ്പില്‍, തല്‍ഹത് തളങ്കര, ഹസന്‍ പതിക്കുന്നില്‍, അസീസ് മിതടി, ഖാദര്‍ ബാങ്കോട്, ഫിറോസ് ബാങ്കോട്, ഉപ്പി കല്ലങ്കൈ, സാബിത് ചൗക്കി, എം.എസ് ഹമീദ് ബദിയടുക്ക, റസാഖ് ബദിയടുക്ക തുടങ്ങിയവര്‍ പ്രസംഗിച്ചു.

പണം തട്ടിയെടുത്തുവെന്ന പരാതി വ്യാജം; പുരാവസ്തു വകുപ്പ് ജീവനക്കാര്‍ അറസ്റ്റില്‍

ബേക്കല്‍: വിഷുദിനത്തില്‍ ബേക്കല്‍ കോട്ടയിലെ ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യ ജീവനക്കാരനെ മര്‍ദ്ദിക്കുകയും കളക്ഷന്‍ തുകയായ 22,350 രൂപ തട്ടിയെടുക്കുകയും ചെയ്തുവന്ന പരാതി കെട്ടിച്ചമച്ചതാണെന്ന് കണ്ടെത്തി. 

ഇതേ തുടര്‍ന്ന് പരാതിക്കാരനായ പുരാവസ്തു വകുപ്പ് ബുക്കിങ്ങ് ക്ലാര്‍ക്ക് രണ്‍വീര്‍ കുമാര്‍ (25), ഫോര്‍മാന്‍ ഷാജി (42) എന്നിവരെ ഹൊസ്ദുര്‍ഗ് സി.ഐ യു. പ്രേമന്‍ അറസ്റ്റ് ചെയ്തു. ഇവര്‍ക്കെതിരെ സര്‍ക്കാര്‍ പണം ദുരുപയോഗം ചെയ്തുവെന്ന വകുപ്പും ഉള്‍പ്പെടുത്തിയിട്ടുണ്ട്.

അപകടത്തില്‍ പെട്ട ബൈക്കിലേക്ക് ലോറി പാഞ്ഞുകയറി; അച്ഛനും മകനും ദാരുണമായി മരിച്ചു

മംഗളൂരു: അപകടത്തില്‍ പെട്ട ബൈക്കിലേക്ക് ലോറി പാഞ്ഞുകയറി അച്ഛനും മകനും മരിച്ചു. ഗാന്ധിനഗറിലെ ദിനേശ്, മകന്‍ അഭിഷേക് എന്നിവരാണ് മരിച്ചത്. ഉജിറെ ബേനക ആശുപത്രിക്ക് സമീപം തിങ്കളാഴ്ചയാണ് അപകടം.

ബെല്‍ത്തങ്ങാടിയിലേക്ക് പോവുകയായിരുന്ന ഇവരുടെ ബൈക്കിലേക്ക് അതിവേഗതയിലെത്തിയ മറ്റൊരു ബൈക്ക് ഇടിക്കുകയും അപകടത്തില്‍ പെട്ട ബൈക്കിലേക്ക് ബംഗളൂരുവിലേക്ക് മണലുമായി പോവുകയായിരുന്ന ലോറി പാഞ്ഞുകയറുകയുമായിരുന്നു. ദിനേശ് സംഭവസ്ഥലത്ത് വെച്ച് തന്നെ മരിച്ചു. അഭിഷേകിനെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പെയിന്റിംഗ് തൊഴിലാളികളാണ് ദിനേശും അഭിഷേകും.

ഐസ്‌ക്രീം പാര്‍ലര്‍ അട്ടിമറിക്കേസ്: വി.എസിന്റെ ഹര്‍ജി പരിഗണിക്കുന്നതു സുപ്രീംകോടതി മാറ്റി

ന്യൂഡല്‍ഹി: ഐസ്‌ക്രീം പാര്‍ലര്‍ അട്ടിമറിക്കേസില്‍ വി.എസ.് അച്യുതാനന്ദന്റെ ഹര്‍ജി പരിഗണിക്കുന്നതു സുപ്രീംകോടതി മാറ്റിവച്ചു. അടുത്ത ചൊവ്വാഴ്ചയാണ് ഇനി ഹര്‍ജി പരിഗണിക്കുക. ഐസ്‌ക്രീം പാര്‍ലര്‍ അട്ടിമറികേസ് സിബിഐ അന്വേഷണത്തിനു വിടണമെന്ന് ആവശ്യപ്പെട്ടായിരുന്നു പ്രതിപക്ഷ നേതാവ് വി.എസ്.അച്യുതാനന്ദന്‍ സുപ്രീംകോടതിയെ സമീപിച്ചത്.


ജസ്റ്റീസ് അനില്‍ ആര്‍. ദവെ അധ്യക്ഷനായ മൂന്നംഗ ബെഞ്ചാണു കേസ് പരിഗണിക്കുന്നത്. കേസില്‍ നേരത്തെ സുപ്രീംകോടതി സിബിഐയ്ക്കു നോട്ടീസ് അയച്ചിരുന്നു. ഇതു കേന്ദ്ര ഏജന്‍സി അന്വേഷിക്കേണ്ട കേസല്ലെന്നാണു സിബിഐ കോടതിയില്‍ അന്നു മറുപടി നല്‍കിയത്. സാക്ഷികളെ പണം കൊടുത്തു സ്വാധീനിച്ചു കേസ് അട്ടിമറിച്ചെന്നാണു വി.എസിന്റെ വാദം.

പ്രതിശ്രുതവരന്‍ ജോലി സ്ഥലത്ത് കുഴഞ്ഞുവീണ് മരിച്ചു

ബദിയടുക്ക: പ്രതിശ്രുതവരന്‍ ജോലി സ്ഥലത്ത് കുഴഞ്ഞുവീണ് മരിച്ചു. മുണ്ട്യത്തടുക്കയിലെ ചോമയുടെ മകന്‍ ചന്ദ്രഹാസ (28)യാണ് മരിച്ചത്. കൂലിത്തൊഴി ലാളിയായിരുന്നു. തിങ്കളാഴ്ച ഉച്ചക്ക് പുത്തിഗെക്ക് സമീപത്തെ ഒരു വീട്ടുപറമ്പില്‍ ജോലി ചെയ്യുന്നതിനിടെ രക്തസമ്മര്‍ദ്ദം മൂലം കുഴഞ്ഞുവീഴുകയായിരുന്നു. ഉടന്‍ തന്നെ ആസ്പത്രിയിലെത്തിച്ചെങ്കിലും അപ്പോഴേക്കും മരിച്ചിരുന്നു. 

ഇച്ചിലംപാടി ഹേരൂറിലെ യുവതിയുമായി ചന്ദ്രഹാസയുടെ വിവാഹം ജൂണ്‍ 1ന് നടക്കാനിരിക്കെയായിരുന്നു മരണം തട്ടിയെടുത്തത്. കമലയാണ് അമ്മ. ദിവാകരന്‍ ഏക സഹോദരനാണ്.

ആരോഗ്യമുണ്ടെങ്കില്‍ വി.എസിന് ഇനിയും മത്സരിക്കാം: യെച്ചൂരി

ന്യൂഡല്‍ഹി: ആരോഗ്യവും ഊര്‍ജവും ഉണ്ടെങ്കില്‍ വി.എസ്. അച്യുതാനന്ദന് ഇനിയും നിയമസഭാ തെരഞ്ഞെടുപ്പില്‍ മത്സരിക്കാമെന്നു സി.പി.എം ജനറല്‍ സെക്രട്ടറി സീതാറാം യെച്ചൂരി. തെരഞ്ഞെടുപ്പ് പ്രചാരണത്തിന് വി.എസ് നേതൃത്വം നല്‍കും. അടുത്ത തെരഞ്ഞെടുപ്പില്‍ മുഖ്യമന്ത്രി സ്ഥാനാര്‍ഥിയെ ഉയര്‍ത്തിക്കാണിക്കണോ എന്നു തീരുമാനിച്ചിട്ടില്ല. ജെ.ഡി.യുവിനെയും ആര്‍.എസ്.പി.യെയും ഉള്‍പ്പെടുത്തി ഇടതുമുന്നണി വിപുലീകരിക്കുന്ന കാര്യം ഈ മാസം 25നു ചേരുന്ന സി.പി.എം സംസ്ഥാനസമിതി യോഗം തീരുമാനിക്കും. മറ്റു വിഷയങ്ങള്‍ മുന്‍ഗണനാക്രമത്തില്‍ സംസ്ഥാനസമിതി ചര്‍ച്ച ചെയ്യുമെന്നും യെച്ചൂരി മാധ്യമപ്രവര്‍ത്തകരോടു പറഞ്ഞു.

നേരത്തേ, സംഘപരിവാര്‍ സംഘടനകളെ പ്രതിരോധിക്കാന്‍ വേണ്ടിവന്നാല്‍ ഇടതുമുന്നണിയുമായി വേദി പങ്കിടാന്‍ തയാറാണെന്നു ജെ.ഡി.യു സംസ്ഥാന അധ്യക്ഷന്‍ എം.പി.വീരേന്ദ്രകുമാറും പറഞ്ഞിരുന്നു.

ലോകത്തിലെ 14 വന്‍കിടനഗരങ്ങളെ മറികടന്ന് ദുബായ് പൊതുഗതാഗത സംവിധാനത്തില്‍ ഒന്നാമത്



ദുബായ്: ലോകത്തിലെ തന്നെ ഏറ്റവും മികച്ച പൊതുഗതാഗത സംവിധാനങ്ങളിലൊന്നാണ് ദുബായിലേതെന്ന് പഠന റിപ്പോര്‍ട്ട്. ഗുണനിലവാരം, സുരക്ഷിതത്വം, വേഗത, ശുചിത്വം തുടങ്ങിയ കാര്യങ്ങളില്‍ ലോകത്തിലെ 14 വന്‍കിടനഗരങ്ങളെ മറികടന്നാണ് ദുബായ് മുന്‍നിരയിലെത്തിയത്.

വിമാനത്താവളത്തിലേക്ക് പൊതു യാത്രാസര്‍വീസ് ആരംഭിച്ച ലോകത്തിലെ ആദ്യനഗരമായും ദുബായ് വിശേഷിപ്പിക്കപ്പെടുന്നു. മണിക്കൂറില്‍ 20 ബസ് സര്‍വീസുകളാണ് ദുബായ് വിമാനത്താവളത്തിലേക്ക് യാത്രക്കാരെ കയറ്റുകയും ഇറക്കുകയും ചെയ്യുന്നത്. ഏറ്റവും കുറഞ്ഞ നിരക്കില്‍ വണ്‍വേ ടിക്കറ്റ് നല്‍കുന്ന നഗരമാണ് ദുബായ് എന്നും റിപ്പോര്‍ട്ടില്‍ ചൂണ്ടിക്കാട്ടുന്നു. ഇക്കാര്യത്തില്‍ ഏറ്റവും ഉയര്‍ന്ന നിരക്ക് ഈടാക്കുന്ന നഗരം സൂറിച്ച് ആണ്. പ്രതിമാസ നിരക്ക് പരിഗണിക്കുമ്പോള്‍ ദുബായിക്ക് മൂന്നാം സ്ഥാനമാണുള്ളത്.

ഏറ്റവും ഉയര്‍ന്ന പ്രതിമാസ യാത്രാനിരക്ക് ഈടാക്കുന്ന നഗരം ലണ്ടന്‍ ആണ്. വാഹനങ്ങളും അനുബന്ധ സൗകര്യങ്ങളായ സ്‌റ്റേഷനുകള്‍, സ്‌റ്റോപ്പുകള്‍ തുടങ്ങിയവയും ഏറ്റവും ശുചിയായി സൂക്ഷിക്കുന്ന നഗരമായി വിലയിരുത്തപ്പെടുന്നത് സൂറിച്ചും പിന്നെ ദുബായിയുമാണ്. പൊതുഗതാഗത രംഗത്തെ ഗുണനിലവാരവും യാത്രക്കാരുടെ തൃപ്തിയും പരിഗണിക്കുമ്പോഴും എമിറേറ്റിന് രണ്ടാം സ്ഥാനമുണ്ട്. കോള്‍ സെന്റര്‍ മുഖേന ഉപഭോക്താക്കള്‍ക്ക് ഏറ്റവും കൂടുതല്‍ സമയം സേവനം അനുവദിക്കുന്ന നഗരവും ദുബായ് ആണ്. ബസ്, മെട്രോ, ബോട്ട് സര്‍വീസുകള്‍ എന്നിവ പരിഗണിച്ചാണ് സൈമണ്‍കുച്ചര്‍ ആന്‍ഡ് പാര്‍ട്ട്‌ണേഴ്‌സ് പഠനം നടത്തിയത്.




ട്രാം ഉദ്ഘാടനത്തിന് മുമ്പേ പൂര്‍ത്തിയാക്കിയ പഠനമായതിനാല്‍, ട്രാം പഠനത്തില്‍ ഉള്‍പ്പെടുത്തിയിട്ടില്ല. പഠനറിപ്പോര്‍ട്ടിലെ കണ്ടെത്തലുകള്‍ ആഹ്ലാദകരമാണെന്ന് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍ടിഎ) ചെയര്‍മാന്‍ മത്താര്‍ അല്‍ തായര്‍ പ്രതികരിച്ചു. ദുബായ് മറികടന്ന നഗരങ്ങളില്‍ പലതും നൂറ്റാണ്ടുകള്‍ക്ക് മുമ്പേ പൊതുഗതാഗത വികസനം ആരംഭിച്ചവയാണെന്ന് മത്താര്‍ അല്‍ തായര്‍ ചൂണ്ടിക്കാട്ടി.

ലോകത്തിന് ഏറ്റവും വലിയ ഭീഷണി അമേരിക്ക: ഇറാന്‍ ആത്മീയ നേതാവ്

ടെഹ്‌റാന്‍: ലോകത്തിന് ഏറ്റവും വലിയ ഭീഷണി അമേരിക്ക യാണെന്ന് ഇറാന്‍ ആത്മീയ നേതാവ് ആയത്തുള്ള അലി ഖമനേയി പറഞ്ഞു.

ഇറാന്‍ ലോകത്തിന് ഭീഷണിയാണെന്ന് വരുത്തി തീര്‍ക്കാനാണ് അമേരിക്കയും യൂറോപ്യന്‍ രാജ്യങ്ങളും ശ്രമിക്കുന്നതെന്ന് ഖമനേയി കുറ്റപ്പെടുത്തി. ഏത് രാജ്യത്തും ഒരു നിയന്ത്രണവുമില്ലാതെ അനാവശ്യമായി ഇടപെടുന്ന അമേരിക്കായണ് ലോകത്തിന് ഭീഷണി. ഈ ഇടപെടലുകള്‍ അധാര്‍മികമാണെന്നും ഖമനേയി പറഞ്ഞു.ഇറാന് ആണവായുധങ്ങളുണ്ടെന്നത് അമേരിക്കയുടെ കെട്ടുകഥയാണെന്നും അദ്ദേഹംപറഞ്ഞു

അമേരിക്കയുടെ കാവല്‍നായയാണ് സയണിസമെന്നും പശ്ചിമേഷ്യയുടെ അസ്ഥിരതക്ക് കാരണം ഇസ്രയേലാണെന്നും ഖമനയി ആരോപിച്ചു .
സൈനിക മേധാവികളുമായുള്ള കൂടിക്കാഴ്ചയിലാണ് ഖമനയിയുടെ പ്രസ്താവന. അമേരിക്കക്കെതിരെ ശക്തമായ ഭാഷയിലാണ് ആയത്തുള്ള അലി ഖമേനി രംഗത്ത് വന്നിട്ടുള്ളത്‌

പളളിക്കരയില്‍ ഫുട്‌ബോള്‍ മത്സരത്തിനിടെ സംഘര്‍ഷം; ഗാലറിയും പോലീസ് ജീപ്പും തകര്‍ത്തു

പളളിക്കര: കാസ്‌ക് കല്ലിങ്കാലിന്റെ ആഭിമുഖ്യത്തില്‍ പളളിക്കര ഗവ: ഹയര്‍സെക്കണ്ടറി സ്‌കൂളിള്‍ ഗ്രൗണ്ടില്‍ നടന്നുവരുന്ന ഫുട്‌ബോള്‍ മത്സരത്തിനിടെ സംഘര്‍ഷം, കാണികള്‍ ഗ്രൗണ്ട് കയ്യേറി, ഗ്യാലറികള്‍ തകര്‍ത്ത അക്രമി സംഘം പോലീസിനെ അക്രമിച്ചു, പോലീസ് ജീപ്പ് എറിഞ്ഞു തകര്‍ത്തു. അഡീഷണല്‍ എസ്.ഐ അടക്കം മുന്ന് പോലീസുകാര്‍ക്ക് പരിക്ക്.

തിങ്കളാഴ്ച രാത്രി 8.30 മണിയോടെയാണ് അക്രമ സംഭവങ്ങള്‍ക്ക് തുടക്കം. എഫ്‌സി കോണ്ടോട്ടിയും നാഷണല്‍ കാസര്‍കോടും തമ്മില്‍ നടന്ന മത്സരം നിലവാരമില്ലാത്തതില്‍ പ്രകോപിതരായ കാണികള്‍ ഗ്രൗണ്ട് കയ്യേറി ഗ്യാലറിയും കസേരകളും അടിച്ചു തകര്‍ത്തു.

സംഭവസ്ഥലത്തുണ്ടായിരുന്ന ബേക്കല്‍ എസ്.ഐ കെ. നാരായണന്റെ നേതൃത്വത്തിലുളള പോലീസ് സംഘം അക്രമികളിലൊരാളെ പിടികൂടി പോലീസ് ജീപ്പില്‍ കയററുന്നതിനിടയില്‍ വടിയും കല്ലുമായെത്തിയ നൂറോളം പേര്‍ പോലീസിനെ അക്രമിക്കുകയായിരുന്നു. കല്ലേറില്‍ പരിക്കേററ ബേക്കല്‍ സ്‌റ്റേഷനിലെ അഡീഷണല്‍ എസ്.ഐ ചന്ദ്രബാബു, കാസര്‍കോട് എ.ആര്‍ ക്യാമ്പിലെ രമേഷ്.പി (29), പ്രകാശന്‍ (28) എന്നിവരെ ഉദുമയിലെ സ്വകാര്യ ആശുപത്രിയില്‍ പ്രവേശിപ്പിച്ചു.

ബേക്കല്‍ പോലീസിന്റെ കെഎല്‍ 01 ബിആര്‍ 9602 സുമോ വാഹനവും തകര്‍ത്തിട്ടുണ്ട്.

ഗ്യാലറിയുടെ ഒരു ഭാഗത്ത് കാണികള്‍ തീയിട്ട് നശിപ്പിച്ചുണ്ട്. സംഭവമറിഞ്ഞ് ഹോസ്ദുര്‍ഗ് സി.ഐ പ്രേമന്റെ നേതൃത്വത്തില്‍ വന്‍ പോലീസ് സംഘം സ്ഥലത്തെത്തി.
 
Copyright © 2013. Muhimmath - All Rights Reserved